بعد مشاهدة فيلم الممر .. إياد نصار ومحمد فراج حديث السوشيال ميديا

بعد عرض فيلم الممر مساء أمس على قناة " اون اى " احتفالا بنصر حرب أكتوبر العظيم والذي يجسد قصص أبطال القوات المسلحة في حرب الاستنزاف قبل نصر السادس من أكتوبر المجيد.
تصدر كل من الفنانين اياد نصار ومحمد فراج مؤشرات البحث على جوجل بالإضافة إلى تريند تويتر وذلك بسبب ادائهم الأكثر من الرائع الذى أشاد به جميع مستخدمى مواقع التواصل الاجتماعى
وكتب محمد فراج على موقع " انستجرام " مع صورة من كواليس العمل قائلا:" صحيح 46 سنه فاتوا على حرب أكتوبر لكن لما ابتديت تصوير "الممر" حسيت إن العمر رجع بيا ال 46 سنه دول .. حسيت أنا و كل كاست الفيلم اللى قدام الكاميرا و اللى وراها إننا جنود مصريين بنحارب على الجبهة صحيح أنا ماكنتش عايش أيام الحرب الحقيقية لكن ربنا إدانى فرصة إنى أعيش جزء صغير قوى منها فى الفيلم و كان شرف كبير ليا إنى أساهم ولو بجزء صغير فى توثيق العمل البطولى ده و تسجيله فى تاريخ السينما المصرية".
وتابع فراج، فى رسالته قائلا:" يارب كل سنة نشوف ممر جديد .. يارب كل سنة نشوف عمل بيحكى حكايات ماشوفناهاش ولا سمعناها عن أبطال مصريين اللى إستشهد منهم واللى عايش لحد دلوقتى حكايات لازم تتحكى و توصل للناس و خصوصا للأجيال إلى جاية عشان إحنا عندنا حكايات كتير قوى اللهم ارحم شهداء مصر واحفظ مصر وجنودها ".
أشاد المتابعين ببراعة اياد نصار في تقديم الشخصية، لدرجة كرههم له.وجاءت التعليقات كالتالى، على الهاشتاج، " أنت تستخبي في أي حته اليومين دول عشان الشعب واخد الموضوع بجد، انت فين يا إياد اوعى تيجي مصر المصريين هيقطعوك بسنانهم دا انت كرهتنا في الإسرائيليين اكتر واكتر، استخبر من المصريين الفترة دى، وتمثيل اياد نصار دا جبار لدرجه انه كرهني فيه حرفيا وفي كل لحظه كان نفسي اروح اضربه، بجد ممثل بارع جدا".
اياد نصار
اياد نصار
اياد نصار