بالفيديو .. هشام الجخ يرثى إبنته "جويرية " بقصيدة جديدة

تداول عدد من النشطاء - على موقع التواصل الاجتماعى فيس بوك - القصيدة التى كتبها الشاعر هشام الجخ يرثى فيها إبنته جويرية التى توفيت منذ أيام
وهذه قصيدة الجخ
يا حتة القلب اللي مات..
وَعْد يا ست البنات
حافضل أحبك من سكات
واشرب سجاير برة أوضتك من سكات
والبس هدومي وانتي نايمة واقفل الباب من سكات
وافضل أعلّم كل شهرين جوة كشف التطعيمات..
وافضل أَحَوِّش لك جهازك واشتري لك طقم صيني
وابقى حالق دقني دايما وانتي بس اللي تبوسيني
إوعي ماما تعرف اننا جبنا شيبسي
فكّريني واحنا نازلين ابقى اجيب لك بُكرة بيبسي
ما تتشاقيش في المدرسة ومتلعبيش وسط الولاد
وفكريني ابعت معاكي صورة لشهادة الميلاد
ياه ع الوجع لما بتِصْغَر من مرارته أي آه
ولا يصحكش من حلمك .. إلا على شهادة الوفاة.