السيسي: تكلفة تأهيل مليون فدان تصل إلى 30 مليار دولار

قال الرئيس عبدالفتاح السيسي أن تكلفة تأهيل وزراعة مليون فدان يصل إلى 200 مليار جنيه أى ما يعادل 30 مليار دولار.
وأضاف خلال افتتاح فعاليات اجتماع البنك الإفريقي للتصدير والاستيراد : "علشان تروح تعمل صناعة في دولة افريقية قيمة مضافة للحديد والنحاس فقط انت عاوز الكهرباء والمصنع والطرق والسكة الحديد تحتاج إلى أموال واستثمارات ضخمة جدا.. أول عقبة توفير التمويل اللازم لبنية أساسية تحقق اللى احنا عاوزينه".
وتابع السيسي: "يا ترى الامن والاستقرار الموجود في دولنا يسمح بكده ولا لأ؟ والمخاطر الموجودة في دولنا بيخلوا الائتمان تكلفته عالية ولا منخفضة العنصرين دول في تقديرى الشخصي الأساس والركيزة الأساسية لاى تغيير مناسب للدول..لو محققتش العنصرين تستثمر في بلد مفيهاش أمن ولا استقرار ازاى؟".
وقال الرئيس: "حلم الشعوب وامالها وقدرة الدول على تنفيذه..مشكلة أخرى ان الناس عاوزة واللى عاوزاه قد تكون الدولة غير قادرة على تحقيقه على الأقل في منظور زمنى مناسب فمحتاج زمن مش محتاج إرادة وخطط لا..ازاى تحقق الاستقرار والامن للشعوب اللى هي بتحلم على تحقيق امال وطموحات طيب قدرة الدولة على تنفيذه قد إيه؟..كام مننا فى أفريقيا من دول العشرين".
وشدد الرئيس السيسي على أهمية توفير الاستقرار و الأمن لتحقيق التنمية.