ميراث شعبولا.. عدوية نجل شعبان عبد الرحيم يفتح النار علي أشقائه ويعلق :بلوك من قلبى

فاجأ عدوية نجل الفنان الراحل شعبان عبد الرحيم، جمهوره بفيديو له وجه من خلال رسالة إلى أشقاءه بعد أزمة توزيع إرث والده، خلال الفترة الماضية.
وقال عدوية شعبان عبد الرحيم، في مقطع فيديو له، نشره عبر حسابه على موقع الفيديوهات «تيك توك»، «الأخ اللي يمشي أخوه من البيت عشان خاطر الفلوس، يبقى أصله مش جدع.. وأنا خلاص عملت لأخويا، بلوك من قلبي مش التليفون بس.. وأنا أخوك الصغير، وبقولك مش مرضي باللي حصل.. أنا مش عاوز فلوس خلاص".
وسبق وكشف المطرب الشعبي عصام شعبان عبد الرحيم، على كشف تفاصيل ما أثير من أنباء حول خلافاته مع أشقائه على الميراث، ووجود مشكلات في تقسيم التركة فيما بين أبناء شعبولا بعد عام من رحيله.
وقال عصام أنه لا توجد خلافات وان المداخلة دي قديمة من 4 أشهر وتم تداولها في الوقت الحالي لإثارة ضجة على اسم شعبان عبد الرحيم، ووالدنا ترك الجميع مستور وتابع «وكل واحد فينا واخد شقة يعيش فيها مسجله باسمه بأوراق رسمية، وكل واحد عارف هو قاعد فين، أما باقي الورث فلم يقسم بسبب تداعيات فيروس كورونا خلال الفترة الماضية، واحنا زي أي إخوات بيحصل بنا خلاف عادي وبنرجع نتصالح».
وأضاف ابن شعبولا ، قائلًا: «والدي ما ربناش على اننا نكره بعض ولما حصل قدامه موقف وشاف أخين متخانقين مع بعض عيط ووصانا نكون مترابطين مع بعض واحنا ولاد حلال وعمرنا ما نبيع بعض، وبكررها اخواتي كلهم مستعد أشيل جزمتهم فوق راسي عشان أقول للناس اننا واحد ويكفيني شرف حب الناس لأبويا».