تامر حسني يكشف أسرار جديدة عن مشواره الفنى

نجح النجم تامر حسني فى تحقيق نجاحات كبيرة خلال الفترة الماضية في مجال الغناء والتمثيل، وكشف خلال حلقته مع الإعلامية منى الشاذلي، ببرنامج معكم الذي يذاع حاليًا عبر شاشة قناة cbc: وبدأ الحلقة بتقديمه أغنية حلو المكان، مع تفاعل كبير من الجمهور الموجود بالاستوديو، كما عرض البرنامج مقطع فيديو تناول خلاله ما قدمه تامر للجمهور، على مدار 2021 من أفلام وحفلات وأغانٍ.
وقال تامر حسني: مبدأ حفلاتي هو إني طالع بفرح الجمهور مش غنا بس، وعايز أبهر وأفرح الجمهور ولما حد من برا مصر يشوف الحفلات عندنا بيحصل فيها إيه يقول إنه شبه اللي عندنا وللأمانة هو مكلف ولكن التكاليف الكتير اللي على المسرح بحاول يبقى فيها ابتكار مش مجرد تكاليف على الفاضي.
وأضاف تامر حسني: أنا بشتغل عشان الجمهور وأعبر عنهم، وكنت عايز أبقى فنان شامل وكل جزء أنا دخلته عملت فيه حاجة ناجحة تضيف لتاريخي أنا بكتب وبلحن لنفسي، 90% من أفلامي كنت أنا المؤلف.
وأشاد تامر حسني بالتعامل مع الملحن عزيز الشافعي، قائلًا: ملحن عنده وجهة نظر وشاعر وبقالي سنتين بتعامل معاه وربنا يكرمه وديمًا بكتبله رسالة ربنا يبارك في موهبتك وديمًا أغانيه مميزة معايا ومع غيري.
وقال تامر حسني: كنت متأثر بأحمد رمزي في فتحة القميص، كأي شاب وبطلت فتحة القميص عشان قالولي ولادنا بيتأثروا بيك، وأنا مينفعش أعاند مع الجمهور، ولو إن ده شيء مخترعتهوش وموجود ديمًا بين الشباب.
وقال: فيه ناس كتير فاكرة إن دويتو هو أنت تاني مع بهاء سلطان، إن ده صوت بهاء سلطان، ولكن ده صوتي وأنا اللي قلدت صوته في الأغنية.
وأضاف تامر حسني، إنه اتفق مع بهاء سلطان ذات يوم على التعاون سويًا في أغنية تجمعهما بعد نجاهما في أغنية قوم اقف التي كانت من كلمات وألحان تامر حسني، وحددا موعدًا لتسجيل أغنية أنت تاني في الاستوديو، ولكن خلف بهاء سلطان ولم يلتزم بموعده، فاضطررت إلى تسجيل الأغنية بمفردي مع مهندس الصوت.
وتابع تامر حسني: لما جيت أسمع الأغنية لنصر محروس جيه عند الكوبليه بتاع بهاء قال هايل فرديت عليه أنا اللي هايل وأنا اللي غنيت، وبعد طرح الأغنية بهاء اتصل بيا وقالي الناس بقيت تطلب مني الأغنية.
وأشار تامر حسني إلى أنه قلد أيضًا صوت الفنانة سوسن بدر في أحد مشاهد فيلمهما الأخير الذي يحمل اسم مش أنا، قائلًا: أستاذة سوسن هتتفاجئ دلوقتي، لأننا لما جينا عملنا ميكساج على الصوت هي مكنتش موجودة وأنا حاولت اتصرف
قدم تامر حسني تتر مسلسل نسل الأغراب في الموسم الدرامي الرمضاني الماضي 2021، والذي لعب بطولته الفنان أحمد السقا وأمير كرارة وحققا نجاحا كبيرا في الموسم الرمضاني.
كما يعد فيلم مش أنا هو آخر أعمال تامر حسني الفنية، الذي طُرح في صيف 2021 وشارك به العديد من الفنانين معه منهم ماجد الكدواني وحلا شيحة وسوسن بدر وحجاج عبد العظيم ومحمد عبد الرحمن وشيرين وعصام السقاو إياد نصار.