اعلنت المطربة رنا سماحة عن تفاصيل الأغنية التى تقدمها لمولودها الأول "مالك" و المقرر أن تستقبله خلال الفترة القليلة المقبلة حيث انها فى الأشهر الاخيرة من حملها. وقالت رنا سماحة عبر لقاء لها ببرنامج "انسايدر بالعربى": "جتلي فكرة إن أنا أعمل أغنية للبيبي قبل ما ييجي، تبقى ذكرى حلوة ليه وكلمت أحمد حسن راؤول الشاعر كتب الكلام، ومحمد الفخراني لحن، وصديقي وأخويا جلال فهمي وزعه، كلهم كانوا متعاونين معايا جدا." وأضافت رنا سماحة : أنها تخطط لعمل فوتوشوت للمولود وفيديو كليب بسيط في نفس التوقيت، وكشفت عن جانب من الأغنية تقول كلماته : يا حبيب مامي وروح مامي خليت الدنيا دي غير من وإنت يا دوب جوايا وأنا طايرة من الفرحة دي طير. وجهت الفنانة رنا سماحة رسالة إلى زوجها الملحن سامر أبو طالب بعد انتهاء الخلاف بينهما وعودتهما مرة أخرى . وكتبت رنا سماحة عبر حسابها الرسمي على موقع التواصل الاجتماعي انستجرام :" الحمدلله يا حبيبي ربنا يخلينا لبعض يا رب ،ويخليك ليا ولمالك يا رب ويبعد عننا اي حاجه وحشه". تابعت رنا سماحة:" عيشنا فتره صعبه والحمدلله انها عدت ،مفيش بنا أسف يابو مالك،ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين ،بحبك يا جوووووزي". سامر أبو طالب يعلن أنتهاء الخلاف. ونشر المطرب سامر ابو طالب فيديو عبر حسابه بالانستجرام يجمعه بزوجته المطربة رنا سماحة بعد فترة من الخلافات بينهم . وعلق سامر ابو طالب على الفيديو :" أولا الحمد لله، ثانيا هقول الكلمتين الجايين دول ل(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد ". بحبك .. أول تعليق من رنا سماحة بعد عودتها لزوجها سامر أبو طالب أسف لو زعلتك: سامر أبو طالب يعلن إنهاء خلافه مع زوجته رنا سماحة وأضاف سامر أبو طالب :"يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا.. ". وتابع سامر أبو طالب:"نيجى بقى ل(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض"
