سامر أبو طالب يحسمها ويكشف حقيقة انفصاله عن زوجته رنا سماحة

قرر الملحن سامر أبو طالب، حسن الجدل المثار حول انفصاله عن زوجته الفنانة رنا سماحة، حيث ظهر معها في فيديو، أعلن من خلاله عودته إليها بعد صلح جرى بينهما، حيث إنه خلال الفترة الماضية، انتشرت أنباء تفيد بانفصالهما.
وشارك سامر أبو طالب، الفيديو عبر حسابه الشخصي بموقع الصور والفيديوهات القصيرة انستجرام، وعلق قائلا: أولا الحمدلله، ثانيا هقول الكلمتين الجايين دول لأم مالك مراتي وحبيبتي وأم ابني، اللي اكتشفت في الفترة اللي فاتت دي إني مقدرش أعيش من غيرها، ولا حتى بكون مبسوط في أي حاجة حتى أبسط الأشياء، هي لازم تكون فيها معايا، بحبها أوي بجد يمكن كنت أوقات بعند، بس اكتشفت إني فعلا مينفعش أكون غير ليها.
وتابع سامر أبو طالب: هي متنفعش تكون غير ليا، آسف لو زعلتك في أي حاجة، وربنا يباركلي فيكي ويحفظنا من كل شر، ويبعد عننا الحسد والحقد، واللي كارهين يشوفونا مرتاحين وهاديين، والحمدلله دائما وأبدا.
واختتم سامر أبو طالب: نيجى بقى لبرنس قلبي ابني وقرة عيني حبيبي وصاحبي وأخويا، اللي لسه مشوفتوش مالك، مش هقولك غير إني بحبك، ولما تيجي بالسلامة هقولك حاجات كتير أوي نفسي أقولهالك، ومش هتفارق حضني أبدا، بحبك يا رنا وبحبك يا مالك، شكرا للناس اللى كانوا بيكتبولي كلمة حلوة عشان عاوزين يشوفونا تاني مع بعض.
https://www.instagram.com/reel/CUJEt5to6tj/?utm_medium=copy_link
وبدورها ردت رنا سماحة على زوجها سامر أبو طالب، وقالت له عبر حسابها على انستجرام: الحمدلله يا حبيبي ربنا يخلينا لبعض يا رب، ويخليك ليا ولمالك يا رب ويبعد عننا أي حاجة وحشة، عشنا فترة صعبة والحمدلله إنها عدت، مفيش بينا أسف يا أبو مالك، ربنا ميحرمناش من بعض، ويحفظ بيتنا ويكبر ويعمر بوجودك وسطنا.
https://www.instagram.com/p/CUJIYnqqrhz/?utm_medium=copy_link