خالد سرحان للمطالبين بستر متحرش طفلة المعادي: ما رحمش ولاد الناس

أعرب الفنان خالد سرحان عن استيائه من بعض ردود الأفعال حول الفيديو المنتشر للتحرش بطفلة المعادي من قبل أحد الأشخاص.
ورفض خالد سرحان المطالبات بالتستر على فضيحة المتحرش وعدم نشر صورته وكتب: "المفروض اللي حصل ده يكون نقطة تحول في موضوع التحرش وتبريره في مجتمعنا.. مش اننا نستر على المتحرش، رصيد الستر ده المقصود بيه في الاخطاء اللي مابتأذيش غير صاحبها انما التحرش بيأذي كل مرأة في المجتمع سواء زميلتك اختك مراتك بنتك امك وانت كمان شخصيا".
وأضاف: "ده اللي مايتسترش ولا يتسكت عليه.. واللي بيقولوا عشان اولاده.. هو نفسه مارحمش اولاد الناس ولا عمل حساب الأذى النفسي اللي ممكن يلاحق الطفلة دي طول حياتها".
وطالب خالد سرحان الجهات المعنية بتكريم منقذة طفلة المعادي من التحرش قائلاً: "وبالنسبة للسيدة المحترمة اللي تصدت للمجرم ده وقررت تفضحه وتنشر الفيديو برغم مواخف انها تخسر وظيفتها، الست دي لازم تتكرم تكريم يليق بيها وبشجاعتها ونحتفي بيها ونطلعها على التليفزيون زي ما بنحتفي وبنسلط الضوء على التفاهة كل يوم".
جدير بالذكر أن واقعة تحرش طفلة المعادي أثيرت مساء أمس على السويشال ميديا عقب تداول فيديو لمحاولة تحرش رجل بطفلة في مدخل إحدى العمارات السكنية، لكن سرعان ما تدخلت أحدى السيدات لوقفه عن جريمته بعدما لمحته في كاميرا المراقبة الخاصة بمكان عملها.