بسبب المهرجانات .. محمد فؤاد يرد على هجوم حلمي بكر : أنا عمري ما سمعتلك أغنية

حرص المطرب محمد فؤاد على الرد علي هجوم الموسيقار حلمي بكر عليه بسبب توجهه لغناء المهرجانات من خلال أغنية "في الحفلة" والتي طرحها فؤاد خلال الفترة الماضية، وحققت نجاح ملحوظ.
وقال فؤاد: «فيه بني آدميين أصعب من كورونا، ولازم أرد مدام الأمور وصلت لكدة، لأ هارد وردي هيزعل الأستاذ حلمي جدا، بس مش هقدر أزعله، ومش هقدر أعدي حدود الإنسانية والأخلاق اللي اتربيت عليها، ونقوله كلنا شد حيلك، واحنا كلنا خدمينك، وأمرنا لو نقدر نعملك أي حاجة نعملهالك، كلامنا هيتأجل لبعدين، ومش هعدي الموضوع بالساهل».
وأضاف فؤاد، خلال تصريحات تلفزيونية «أنا النهاردة مش عاوز أزعله في أي كلمة عشان ظروفه، بس اللي كتبه إمبارح تجاوز لا يُغتفر، لو إنت مين مش هعديه عليك لحد ولا بيجي نحيتك ولا بيتناقش معاك في أمورك أو أعمالك».
وتابع رد علي تهديد حلمي."هيعيط" :" «أنا معيطش إلا على البلد، محدش يجرؤ يعيطني غير أخويا أو شهيد زميل أخويا أو أي شهيد في مصر أو بلدي لما تيجي تضيع، إيه اللفظ دة!؟، أنا عمري ما سمعت لك أغنية، ونازل تقطيع في الناس، وبياخد رزقه بشتم الناس».
وعن أعماله الفنية، قال إنه سيطرح أول أغنية جديدة في ألبومه بعد ثلاثة أيام بعنوان «ليك»، هتكون «دلع الدلع»، لافتا إلى أنه يعمل وفق خطة مدروسة للغاية، حيث طرح قبلها أغنية تصف حياة المواطنين وكورونا والشهداء، وكان على حلمي بكر الحديث عنها، ولكن مثل هذه الأغاني «مش بتأكل عيش».
وعن غنائه للمهرجانات أكد أن : «المهرجانات عمل موسيقي لابد أن تحترمه طالما الناس بتسمعه، لكن اللي يتجاوز في لفظ في المهرجانات أو غير المهرجانات يترفع عليه قضية ويتحبس، وأي حد يتجاوز الأدب والأخلاق وقيم ومبادئ الشعب والبلد يترفع عليه قضية يتحبس كبير أو صغير، لكن مقدرش أحجر على الموسيقى، احترم الناس اللي بتسمعها أيا كان مستواه»
جدير بالذكر أن حلمي بكر قد هاجم فؤاد بعد إتجاهه إلى الغناء بنفس طريقة «المهرجانات الشعبية» والتعاون معهم في أغنية غي الحفة وقال له : «أنت حر.. بس أنت بِعت نفسك بالرخيص، وبعد كده هتعيط، أنت دلوقتي مش حاسس بحاجة لكن بكرة العياط هيملى المكان تحت رجليك».