كاملة أبو ذكري تتراجع عن انتقاد "ب100 وش" :"كنت قاسية"

تراجعت المخرجة كاملة أبو ذكري عن انتقادها لأبطال مسلسل "ب100 وش"بعدنا اتهمت الفنانين الشباب فيه بالغرور.
وقامت كاملة أبو ذكري بتوجيه رسالة عبر صفحتها الرسمية على موقع التواصل الاجتماعي "فيس بوك" كتبت فيها : "أحب اعترف إني انفعلت وكنت قاسية جدا في كلامي، ولو صدر تصرفات من شخص أو اتنين خلتني أحس بالغضب ده، ده ممكن يكون نابع من قلة الخبرة مع التعامل مع جمهور عريض، ومع النجاح الكبير وارد إن أي حد يتعرض للهزة دي، ولو كنت قاسية ده نابع من حبي ليهم وخوفي عليهم، علشان أنا شوفت حجم موهبتهم لما اشتغلت معاهم".
وتابعت مخرجة مسلسل "ب100 وش": "وأتمنى إن الشخصين اللي كنت بعنيهم يفهموا كلامي، ويعرفوا إني مستخسرة موهبتهم، وأنا متأكدة إنهم هيفهموني لأنهم الاتنين دول تحديدًا عارفين أنا أد إيه بحبهم وبقدرهم".