بعد أزمة ب 100 وش.. كاملة أبو ذكري تغلق صفحتها على فيس بوك

قامت المخرج كاملة أبو ذكري بإغلاق صفحتها علي الفيس بوك بعد حالة الجدل على مواقع التواصل الاجتماعي بعد المنشور الذي كتبته عبر صفحتها الشخصية بموقع التواصل الاجتماعي "فيس بوك" واتهامها أبطال مسلسل ب 100 وش بالغرور.
وكتبت كاملة أبو ذكري: "عرفت وسمعت وتأكدت أن بعض الممثلين المبتدئين من مسلسل ب 100 وش بعد النجاح الفظيع المريع لمسلسل ب 100 وش شافوا نفسهم والغرور سيطر على تصرفاتهم عايزة أقول لكم خساره الغرور مقبرة الفنان زى ما قلنا يوسف شاهين ده أنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها".
وأضافت: "الغرور ممكن يقتلكم وغرور ليه، أنتم مين أصلا كلنا مين أصلا.. دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره وربنا يهدي".
وحرصت الفنانة زينب غريب على الرد، ونشرت صورة لها بجوار كاملة أبو ذكري عبر حسابها بموقع" فيس بوك"، معلقة عليها :"للجميلة الاي بالنسبة لي طول العمر "مثل أعلى لكل حاجة واكثرهم الإنسانية .. ولو في سبب اني أكون بمثل بعد ربنا فهو أستاذة كاملة ربنا ميحرمنيش منك ابدا".
وكتب مصطفي درويش عبر حسابه بموقع "فيس بوك" :"غرور ليه احنا مين أصلا احنا فعلا لسه الناس بتندهنا باسم الشخصية نفوق كده ونركز اللي عملنا هما الناس فا بلاش نخسرهم.. والله والله انا ما عارف الأستاذة كامله بتتكلم عن مين بالظبط بس لو كنت انا منهم ومعتقدش ده خالص فأنا آسف جدًا".
أما إسلام إبراهيم فنشر مقطع فيديو له، معلقا :" ربنا يكفينا شر الغرور وكبر النفس ..والله العظيم مش انا".