نكشف تفاصيل المشادة الكلامية بين أحمد حلمى وأحد معجبيه

نشبت مشادة كلامية بين الفنان أحمد حلمي وأحد محبيه عبر صفحته الرسمية بموقع التواصل الاجتماعي "فيسبوك"، نظرًا لاعتراض الأخير على مباركة الفنان الشاب للمصريين، بمناسبة افتتاح قناة السويس الجديدة يوم الخميس المقبل.
وبدأت تفاصيل الواقعة عندما نشر حلمي صورة من جواز سفره، وعليها ختم القناة الجديد، وعلّق عليها قائلاً: ختم قناة السويس، مبروك لمصر، ولناس مصر، ولأهل مصر، ولولاد مصر، ولرجالة مصر، وستات مصر، وشباب مصر، وبنات مصر، ولأطفال مصر، ولكل اللي بيحب مصر، مبروك.
وأثارت هذه الكلمات غضب أحد محبيه، الذي علق عليها بقوله: والنبي يا حلمي لو دي صفحتك بجد ابعد عن السياسة علشان متكرهناش فيك أنت كمان.. قناة سويس جديدة إيه بس؟، فرد حلمي عليه قائلاً: تفتكر يا محمد لو بلدي عملت خط جديد لمترو الأنفاق مثلًا يربط نص البلد بستة أكتوبر، وأنا قولت مبروك علينا المترو الجديد ابقى كده بتكلم في السياسة؟، لو أنت فاهم إن أنا كدة ابقى بتكلم في سياسة يبقى معلش أنت مش عارف يعني إيه سياسة.
وأضاف: متنساش يا محمد إن المصريين اللي أنا باركتلهم دول هما اللي عملوا القناة الجديدة بفلوسهم.. أوعى تنسى.. محدش عمل القناة غير المصريين يا محمد.. شكرًا.