شاهد بالفيديو .. أول حوار تليفزيونى ل"السيسى"

في أول حوار تليفزيوني للمشير عبدالفتاح السيسى المرشح المحتمل لرئاسة الجمهورية، مساء ، بعد 40 يومًا من تركه الحياة العسكرية وإعلان عزمه خوض سباق الانتخابات الرئاسية.
وسيحاور السيسي الإعلامية لميس الحديدي والإعلامي إبراهيم عيسى، ويذاع الحوار على قناتي «أون تي في، وسي بي سي».
- لميس الحديدي تبدأ تقديم حوارها مع السيسي، مرحبة بزميلها إبراهيم عيسى، لافتة إلى أنهما سألا المشير في مختلف المستجدات على الساحة المصرية.
- إبراهيم عيسى يرحب بزميلته لميس، ويقول عن الحوار: هل يملك المشير السيسي وهو يترشح للرئاسة حلمًا؟ وهل عنده قدرة على تنفيذ هذا الحلم؟
- انتهاء كلمة لميس وعيسى والخروج إلى فاصل يستعرض السيرة الذاتية للسيسي.
- بدء حوار السيسي بالترحيب ب«لميس وعيسى».
- السيسي: المواطنون ينتظرون مني القدوة الحسنة والمثل في كل أمر، واتصل بكل الأطياف.. وبعدين كتر الكلام يقل محاسنه.
- لميس الحديدي: لماذا قررت الترشح للرئاسة؟
- السيسي: خليني أقدم نفسي للناس بشكل جيد وماقدرش أحترم نفسي إني أعمل خطة للاستيلاء على الحكم.. لكن البيان بتاع 3 يوليو كان واضح أن رئيس المحكمة الدستورية هو رئيس لمصر.. وقلت تصريح بعد كده هو احترام وإرادة المصريين أشرف من تولي السلطة المصرية والأمر كان لغاية 27 فبراير.
- لميس الحديدي: أنت غيرت كلامك رأيك؟
-السيسي: فرصة سقوط الوطن أو استهداف الآخرين من داخل مصر أو خارج مصر.. كان لازم يتقدم.
- إبراهيم عيسى: هل في المرحلة دي تشكلت الفكرة؟
- السيسي: خلي بالك إذا كنا بنحب الناس بجد فالمصريين أوارمهم واجبة التنفيذ وهم السلطة العليا وأي حد مش مؤمن بكده يفكر في 25 يناير و30 يونيو.
-لميس الحديدي: إمتى حسيت إن استدعاء المصريين كان جارفًا؟
- السيسي: أنا عاوز أستدعي حالة الموقف الأمني بعد 3 يوليو و14 أغسطس كان مدعاة للقلق، وكان المصريون يقولون بعد الاستفتءا على الدستور تقدم وكانوا نازلين للاستفتاء وكان استدعاء للترشح.
- إبراهيم عيسى: بتتلقى ده إزاي.. كيف رص عبدالفتاح السيسي استدعءا المصريين له؟
- السيسي: فيه متابعة للإعلام وفيه متابعة للرأي العام والمتابعة شفافة وتهدف للوقوف على الرأي العام في مصر.
-لميس الحديدي: هل استأذنت القوات المسلحة قبل الترشح وكان موقفهم إيه وهل البعض كان موافق معارض؟
- السيسي: المؤسسة العسكرية مؤسسة منضبطة جدًا ونتعامل مع بعض في هذا الإطار وفيه قيم تجمعنا، وكان لابد قرار زي كده نخطرهم به.
- إبراهيم عيسى: إخطار مش استئذان؟
- السيسي: القائد العام ما بيستئذنش حد.. والموضوع كبير وفيه ترتيبات.. لأنه سيحدث تغيير في ضوء القرار.
- إبراهيم عيسى: سيادتك تدخلت في المناصب وأنت ترحل عن منصب وزير الدفاع.
- السيسي: نرتب البيت بعد خروج المشير.
- إبراهيم عيسى: فيه انتقادات بأن المشهد ماكانش جيد وأنك مرشح الجيش؟
- السيسي: النقاش بيتم لكل موضوع زيادة شوية لكن مش مرشح...
- إبراهيم عيسى: فيه إشارات من الخارج وربما رسائل من مسؤولين دوليين وإطلاعك على خطط لرفع درجة غليان الإرهاب كل ده كان له ضغوط عليك؟
- السيسي: لنا إطار نشتغل به جوه بلدنا وأنا قلت مش محمل ولا مدين لحد إلا الله.
- لميس الحديدي: خدت رأي مين وأنت تترشح للرئاسة؟
- السيسي: خدت رأي الأسرة.. وزوجتي زوجة فاضلة ووعي المرأة المصري بينعشني ومش ممكن حجم التحوط والتخوف على الوطن ومستقبل الأولاد يتنقل من جوه البيت.
- لميس الحديدي: قالت لك إيه؟
- السيسي: قالت لي ماعندكش اختيار وبنحبك صحيح.. بس الوطن بيضيع.
- لميس الحديدي: حضرتك مهدد بالاغتيال لكن ماقلقتش؟
- السيسي: عارف إن عمري محسوب بالنفس ومابخافش.
- لميس الحديدي: كم محاولة اغتيال تعرضت لهما؟
- السيسي: محاولتان.
- لميس: هل ده معناه أنه عندنا مرشح رئاسي لا يظهر كثيرا؟
- السيسي: إحنا هنشتغل.
- لميس: بس حضرتك الناس بتجيلك وأنت مابتروحلهاش؟
- السيسي: ما احنا قلنا إن الحملة بدأت امبارح.
- انتهاء الفقرة الأولى من حوار السيسي.
- إبراهيم عيسى: عدنا للحوار.. هل إحنا إزاء شخصية تم تكوينها عسكريا فضلا عن رئيس في حالة نجاحه ما يقدم عليه وطريقة تفكيره سندار بعقلية منهج رجل مخابرات.
- السيسي: الخدمة في القوات المسلحة متنوعة جدًا وبيتشكل وبيتعلم مواقف وبيتولى وظيفة وكل ما بينجح يتولى الوظيفة اللي بعدها.. وبعدين أنا خدن دراسات في أمريكا وإنجلترا.. والمخابرات درجة من درجات السلم الوظيفي وكلنا بنختزل شخصية المخابرات وهي قصة تانية خالص وفيها فكر كتير.
السيسي: أنا إنسان مصري مسلم بيحب دينه والناس واتولد واتربيت في منطقة بها تنوع ثقافي وحضاري بلا حدود.. وكنت بشوف في حارة اليهود المعبد اليهودي وماكانش حد بيدنسه ولا حاجة ولا حدي يؤذيه أو يضايقه وماشفتوش.. والكنيسة في شارع الجيش بسمع كلامها وبشوفوا.
- لميس: له قررت الالتحاق بالجيش؟
-السيسي: بعد 67 كان فيه دولة.. لكن ضربت مصر في 67 وشفت كسر الخاطر والنفس.. واللي مخوفني على مصر أنها تسقط وإن شاء الله.. والأمر محتاج طيارين.
- إبراهيم عيسى: مفيش حد من الأسرة كان ملتحق بالجيش؟
- السيسي: لا.
- إبراهيم عيسى: هل علقت صورة عبدالناصر وأنت شاب؟
- السيسي: عبدالناصر كان متعلق في قلوب الناس.
- إبراهيم عيسى: تشبيه حضرتك بعدبالناصر مشاعرك إيه؟
- السيسي: ده كتير.
- لميس: كلمنا عن أسرتك.
- السيسي: طيب ما تخليني أكلمك على منطقتي.. أنا متصل بالمكان لغاية دلوقتي.. ووجدان المكان معايا.. بعد أن انتقلت بعد زواجي إلى منزل الوالد بمدينة نصر.. والمكان فيه ذكريات جميلة ومفيش فرق بين الغني والفقير.. والناس كانت بتتعامل بعلاقات إنسانية راقية جدًا.. وكنت بشفو الشيخ العدوي والشيخ الشعراوي.. وده شكل فهمي.. وأعتقد أنه فيه كتير من الرشد وقرأت الكثير عشان أعرف ليه إحنا في الدين كده.
- إبراهيم عيسى: ليه إحنا في الدين كده؟
- السيسي: قدمنا ربنا بشكل لا يليق بمقامه العظيم ومحتاج من كل الحكام يراجعون موقفهم.
- إبراهيم عيسى: الحاكم مفروض يبقى داعية؟
- السيسي: الحاكم مسؤول.. والدين الحقيقي في تقديري ليس ما نراه الآن.. ولم تكن هناك دولة دينية في الإسلام.. إسلام الدولة غير إسلام الفرد بمعنى أن إسلام الدولة تتعاملي مع دولة فيها مسملني وفيه ناس صالحين وناس مش صالحين ودي حكاية بيننا وبين ربنا.. وحجم الفكر والثقافة الديني محتاج يتراجع.
- لميس: الأسرة قلنا عن الأسرة.
- السيسي: خطبت زوجتي من 75.
- لميس: زواج تقليدي ولا حب؟
- السيسي يصمت ويبتسم: زوجة طيبة جدًا وقلت لها لو نجحت في الثانوية العامة ودخلت الكلية الحربية هخطبك.
- إبراهيم عيسى: الزواج بعد التخرج؟
- السيسي: الجيش لا يسمح بالزواج إلا بعد التخرج.. وأنا اكره الواسطة والمحسوبية وزوجتي عارفة وكل أسرتي عارفة كل ده، وابني محمود بيشتغل في المخابرت العامة ومصطفى في الرقابة الإدارية.
- إبراهيم عيسى: هل لك أقارب في مجال البيزنس؟
- السيسي: أي واحد يقولك أنا قريبه ماتعملوش حاجة إلا في الإطار القانوني ومن فضلكم لو قدر لي هذا المر أي حد مايتكلمش باسمي أو بالقرابة بتاعتي.
- لميس: هل وجودك في المرسسة العسكرية يؤدي لعزلتك عن المجتمع السياسي؟
- السيسي: أنا كنت بشتغل في إطار المؤسسة العسكرية، وإذا قدر الأمر وفيه نصيب للرئاسة فمقتضيات الأمر تقول غننا نتكلم ونلتقي، وأقول إن الرئيس مسؤول عن تشكيل مش هو يشكل حزب سياسي ويبقى فيه قوى سياسية وحياة سياسية بجانب النظام السياسي الموجود لأنه ضمانة للمستقبل.
- إبراهيم عيسى يسأل السيسي عن مقتضيات وظيفته حال فوزه بالرئاسة.
- السيسي: الوطن نتشارك فيه جميعا وأنا التقيت في الفترة اللي فاتت بكل الأطياف.
- لميس: هل ستتقبل المعارضة.
- السيسي: هستحمل ده.
- لميس: بيبقى فيه تجاوزات.
- السيسي: نحترم بعض وإصلاح التجاوزات بالمعاملة الحسنة.. وحضرتك بتتجاوزي معايا؟
- إبراهيم عيسى: هنبقى قلقانين من معنى التجاوز.
- لميس: يعني ما يكتب على الجدران؟
- السيسي: ما فيه ناس بتشتم عملنا إيه؟ وأنا طارح القدرة والمثل.
- إبراهيم عيسى: حضرتك تعتمد على أخلاقيات المجتمع في واقع منفلت هيبقى خطر شوية.
- لميس: فين دور القانون؟
- السيسي: القانون لوحده مش كفاية.. وفيه آليات زي الإعلام ودور العبادة ولازم نشتغل عليها.
- إبراهيم عيسى: إحنا مين؟
- السيسي: مؤسسات التعليم ودور العبادة ووسائل الإعلام.
- لميس: ده مش هياخد وقت طويل.. وإبراهيم عيسى: ده مش هيبقى عند الناس إنك جاي تربيني.
- السيسي: أنا اشتغلت في الجيش بالقدوة الحسنة
- يتدخل إبراهيم ولميس في الحوار، فيرد السيسي عليهما: أنتم جايين تتكلموا ولا تسمعوني.
- لميس: لماذ اخترت الترشح بالبلدة العسكرية؟
- السيسي: لو فيه تحفظ أنا مقدره.. والزي العسكري يمثل قيمة عظيمة وبقول للجيش متشكر.. يعني مستكترين عليا أقول شكرًا لزملائي في الجيش.. وبعدين عسكرة الدولة.. الواحد هواه إيه.. إنه يتعامل مع الناس بكل حب وإخلاص وأنا بقول للناس أنا مين ومن حقهم يعرفوا أنا مين.
- لميس: لكن هذا لا يعني أن الجيش سيحكم مصر؟
- السيسي: الجيش ماحكمش قبل كده؟
- إبراهيم عيسى: الجيش ماحكمش إمتى؟
- السيسي: الجيش ماحكمش في ال30 سنة اللي فاتت.. ومصر مليانة خبرات عظيمة جدًا بس إحنا نقدر نجيب الخبرات دي ونوظفها في الشغل.
- إبراهيم عيسى: لكن ده معناه أن العسكر يدير الأمور أو يحكم؟
- السيسي: أنا مش هسمحلك تقول عسكر تاني.
- إبراهيم عيسى: ليه الحساسية المفرطة؟
- السيسي: اسمها المؤسسة العسكرية وهو يستخدم للإساءة ولا أنا مش واخد بالي.. إوعى تزعل.. وهل القوات المسلحة ستتدخل في الحكم أم لا.. قولا واحدا لأ.. وأنا ماقبلش على المصريين إني أخدعهم وإن حد يقول كلام ويكون في واقع غيره.. وهما ماعندهمش كلامهم غير الظن.. والهدف من إقحامي في المشهد على الإساءة لأن ما تم في مصر غير مقبول.
- لميس: يعني عندما كان يعقد مجلس الوزراء كان قدر مشاركة السيسي قد إيه؟
- السيسي: فيه وزراء خرجوا دلوقتي ممكن تسألوهم.. وموقعي فين في مجلس الوزراء ودار في هذا الإطار.. وأنا مابتكلمش كتير إلا لو كنا الأمر يتعلق بالقوات المسلحة أو موقف ما.
- لميس: هل أصريت على موقف ما؟
- السيسي: موقفين أو 3.. كان الحد الأدنى والحد الأقصى وتطبيق الضمان الاجتماعي.. وإذا كنا بنقول إن بلدنا ظروفها صعبة فنتصدى لده.
- إبراهيم عيسى: هل ممكن ترتدي الزي العسكري حال فوزك بالرئاسة؟
- السيسي: إيه رأيك أنت؟
- إبراهيم عيسى: السادات كان يفعل ذلك.
- السيسي: سترى أمر طيب.
- انتهاء الجزء الثاني من اللقاء.
- لميس تعود بسؤال: سيادة المشير ماذا ستفعل وأولوياتك إيه؟
- السيسي: لازم نقول إن الاستقرار الأمن ياخد أولوية في جهدنا.. وفي نفس التوقيت التنمية في مصر ودول ملفين فيهم محاور هنشتغل عليهم.. ولما نيجي نتكلم على تنمية فيه كلام كتير.. غذاء المواطن صحة المواطن.. فيه ملفات كتير جدًا.
- إيراهيم عيسى: المواطن المصري من حقبة يناير وحتى الآن بنتكلم عن واقع صعب وبنسمع تقشف تحمل والمواطن يريد إنجازًا ولم يعد قادرًا على الصبر.
- السيسي: دورنا إحنا إذا قدر لنا ذلك إن حالة الشك تنتهي.. وباختصار عشان كل اللي يسمعني يقدر ده إحنا عايشين على مساحة من الأرض لآلاف السنين، وضاقت علينا الأرض.. وعايشين على مساحة تجمع الزراعة والصناعة والإسكان واتقسمت على 90 مليون من الشعب بغض النظر عن عدالة التوزيع.. لكن بالمناسبة قبل ما أكمل كلامي.. الكلام ده وليد جهد داخل مصر وخارج مصر لمتخصصيين.
- لميس: مين هما؟.
السيسي: جهد جماعي.. وعيب علينا إن عندنا 12 مليون مابيشتغلوش وإحنا قاعدين ولازم نتحرك ونشتغل ليل ونهار ونتحرك لأن حجم الجهد المطلوب لازم يكون ضخم جدًا يكفي العوز المطلوب.
- لميس: هنعمل خطة خمسية خطة عشرية؟
- السيسي: هنبدأ بمشروع استراتيجي يحقق زراعة وإسكان للناس ولكن الامتداد على مساحة الجمهورية بالكمل ونغير التركيبة الجغرافية والإدارية لمحافظات مصر.
- إبراهيم عيسى: المجتمع المصري هيشوف إمتى؟
- السيسي: ممر التنمية للدكتور فاورق الباز جزء من المشروع ومحور قناة السويس التنمية والتنمية في سيناء جزء من المشروع.. عشان الناس تعيش.
- لميس: الهم الأساسي لدى المواطن الإرهاب بنحصى كل يوم على تفجير وشهيد من الشرطة أو الجيش أو المواطنين وماذا ستفعل؟
- السيسي: لازم نتكلم إن اللي حصل في مصر عظيم جدا.. واللي حصل في 30 يونيو جميل جدًا وبفكركم إنه 7 و8 و9 و10 ولما تقارني معدل الأمن.. معدل الأمن بيرتفع.. وخلينا نبدأ بالجهاز الشرطي والقوات المسلحة تساعد والأمر لو تطلب مساعدة بتساعده.. وخلينا نتكلم عن سيناء فيه تطور غير مسبوق.. وكان فيه 1800 نفق بيننا وبين غزة.
- لميس: كام نفق اتقفل منهم؟
السيسي: اتقفل 1200.. وتقريبا لما نقارن باللي فات مفيش مقارنة وأحد المنافذ تستخدم في حركة العناصر الإرهابية.
- لميس: أعتقد أنكم بدأتم به في عهد مرسي كان رد فعله وعشيرته إيه؟
- السيسي: ده أمن قومي وإحنا مسؤولين عن تأمين حدودنا وأرضنا.
إيراهيم عيسى: أنت لا تعمل منفصلا عن رئيس الجمهورية.
- السيسي: ده إذا كان معني للأمن القومي.
- لميس تسأل المشير عن طلبه التفويض من المصريين.
- السيسي: التفويض للدولة مش لشخصي.. وكان لابد الناس تخرج وتقول للدنيا إن اللي حصل إرادتنا إحنا وخفنا على هويتنا.
- إبراهيم عيسى: كنت واثق من خروج المصريين؟
- السيسي: ماكانش عندي شك.. وهذا الحجم من البشر يعكس خصوصية المصريين وده استدعاء لعبقرية المصريين وماحصلش في التارخي ينزل العدد ده.
لميس: هل كنت متصور العدد ده؟
- السيسي: كان فيه حتمية المواجهة مع المجتمع الجاهلي وده الفكر اللي كان موجود.. الاستعلاء بالدين.. لكن البناء الفكري بتاع الجماعات بيرانا ناس مش مسلمين بجد.. وحتمية المواجهة مع المجتمع الجاهلي.
- لميس: هل كنت مستعد للعنف؟
- السيسي: أحد القيادات كلمني 45 دقيقة وقال هيجي مقاتلين من ليبيا ومن أفغانستان ومن كل الدنيا.
- إبراهيم عيسى ولميس: ده تهديد واضح.
- السيسي يتهكم: وأنا بخاف.. وبعدها يضيف: قلت له اللي يرفع السلاح في وش الجيش هشيله من على وش الأرض والإرهاب اللي في سينا نخلصه في ساعات لكن هيبقى فيه خسائر.
- إبراهيم عيسى: وعشان كده سيناء أخدت وقت.
- السيسي: لأننا نحاول ألا نسقط أبرياء.. وفيه أبرياء سقطوا.. وهيجي يوم وتروا التنمية في سيناء.. وأرجع تاني للأمن الاستقرار.. هما عاملين قتال بسواتر بجماعة مش عارف ومش عارف إيه.. وأنا قلت هذا الفكر غير قابل للحياة.. ولما تبوأ السلطة شفت بيعمل إيه.
- لميس: المواطن يسأل ماذا ستفعل له؟
- السيسي: الشرطة بقالها 4 سنين في ظروف في غاية الصعوبة وهذا يحتاج لتفهم ودعم.
- إبراهيم عيسى يسأل عن الموازنة بين حقوق الإنسان ومواجهة الإرهاب.
- السيسي: إحنا حريصين على الموزانة ولازم نبقى فاهمين في الاربتاك الأمني إنه يبقى فيه بعض التجاوزات.. وفيه قانون وده مش منهج ويمكن تجاوزها.. وعاوز أقولك لو أنا بحب المصريين يبقى أنا مش بحب حد يؤذيهم أو يجرح مشاعرهم وده رؤيتي للموضوع.. وخلينا أرجع للامن عاوزين نحقق الأمن بدعم الشرطة ودون تجاوز لحقوق الإنسان.
- لميس: لما كنت بتشوف مرسي بيعفو عن عدد كبير محكوم عليه في قضايا إرهابية كنت بتعترض؟
- السيسي: قلت له أنتم تخرجون ناس تقتلنا.
- لميس: كان بيقولك إيه؟
- السيسي: كان بيسكت.
- إبراهيم عيسى: هل لو أقدم التيار الآخر على المصالحة.. مين يصالح مين؟
- السيسي: التجاوزات اللي حصلت خلال السنة تعاملوا مع المصريين في إطار قيم وعقد غير اللي المصريين اختاروا على أساسه.. وهما حصل المسخ وابتدوا يحطوا رؤيتهم في الإدارة من منظور شرعي رغم أن ده الأساس اللي بينيت عليه العلاقة بين الحكام والمحكوم.. بوالمناسبة مهم قوي المصريين يختاروا مش بس الرئيس القادم ولكن البرلمان القادم وانتبهوا وافحصوا ودققوا.
- لميس: لكن سؤال إبراهيم مين يصالح مين؟
- السيسي: الموضوع مش كده.. لن يصلح إنه يبقى فيه كلام زي كده وفكر زي كده تاني.
- لميس: يعني انتهت جماعة الإخوان في مصر.
- السيسي: المصريون اللي نهوها مش أنا اللي نهيتها.. والمشكلة أعمق من إرادة المصريين.
- لميس: فيه ضغوط خارجية؟
- السيسي: .. إحنا بنحاول نصلحه بجد وبنقول ده إرهاب حقيقي على المنطقة وهما بدأوا يدركوا ده.
- إبراهيم عيسى: المواطن اللي بيضع بطاقة التصويت في صندوق الانتخابات يدرك أنه لن تكون في مدة رئاستك إخوان مسلمين.
- السيسي: أه.. كده.. وأنا مسؤول إذا كان قدر لي ذلك إن يكون في تصحيحات حقيقية.
- لميس: لكن هل ده ينسحب على أحزاب مثل النور أو الدعوة السلفية؟
- السيسي: فيه دستور ولازم يطبق وهما كانوا فيه وأنه لا أحزاب على أساس ديني.. وانا لما كنت في المخابرات قلت لكله إن خطابكم الديني لا يصلح.. وبقول كله عشان أنتِ تبقي مطمنة.. وأنا لا أحمل فواتير لأحد من الداخل أو الخارج.
- لميس: بس حضرتك قلت في خطاب ترشحك أنه لا إقصاء؟
- السيسي: هل فيه ما يمنع ترشح حد من التيار السلفي أو غيره؟
- إبراهيم عيسى: لا.
- إبراهيم عيسى ولميس يتحدثان عن قانون التظاهر
- السيسي:
التظاهر غير المسؤول هيوقع مصر.. والأمر في مصر لن يستقيم بحالة الفوضى بالشكل اللي كانت موجودة فيه، وقانون التظاهر أحد أدوات ضبطه، وهو آلية قانونية لضبط التظاهر ليست لمنع التظاهر.. وبقول من حقك أن تطلب إنك تتظاهر ويتلبى لك طلبك.. لكن البلد تقع مش هنسمح أبدا.
إبراهيم عيسى: البلد تقع بالتظاهر؟
- السيسي: أيوه.
- لميس: هل كنا بحاجة لإصدار قانون الإرهاب.
- السيسي: في حال نجاحي أي حاجة يحتاجها أمن مصر هعملها.
- لميس: بالنسبة لطلبات العفو عن نشطاء هل ستوافق عليها؟
- السيسي: القضاء هو اللي يقرر.. ولكل حادث حديث.
- إبراهيم عيسى ينهي الجزء الأول من الحوار ويستكمل الجزء الثاني، في التاسعة من مساء الثلاثاء.