قصيدة.."افتح لنا دواوين مظالم"

افتح لنا دواوين مظالم
شوف الغلابة المظلومين
المهمومين المنهوبين المحتاجين المرضانين
الى مش لاقيين حتى لقمة تسد جوعهم
أو دوا يشفى وجعهم
افتح لنا دوواوين مظالم
للى كان عنده عيل مفرحش بيه
مات فى لحظة قدام عنيه
لما دكتور إعترض يكشف عليه ينقذه
قبل ما يدفع حجز فى الأول 2000 جنيه
وهو كل مرتبه بالحوافز 320 جنيه
طب يعمل ايه؟؟؟؟؟؟؟؟؟؟؟؟؟؟؟؟؟
افتح لنا دواوين مظالم
للي أعتقل علشان شافوه بيصللي الفجر فى الجامع
للي أعتقل علشان عرفو أنه للشعراوي بيتابع
للى أعتقل علشان نسي يحلق دقنه
علشان ممعاهوش حق الموس.قا لوعليه ارهابى
أخدوه قلعوه بلبوص
وقلعوله دوافره وكهربوه
خلوه يقول بالقوة أنا مليش فى الدين
خلوه يسب الدين
خلوه يقول أنا صايع وإبن صايع
يا جماعه انا منجوس
وأوعدكم هنتف دقني
عمري ما هحلقها بموس
افتح لنا دواوين مظالم
للى عايش تحت الأرض
للى عيالوا بيموتو من البرد
للى مش لاقى الدوا
للى مش لاقى الهوا
على فكرة .. حتى الهوى اتباع
للى يقدر يشترى تكييف
مش مشكلة ..........
هي الناس هدور عالهوى
وهي مش لاقيه الرغيف
دول متعذبين من سنين
من أيام الكلب اللعين
افتح لنا دواوين مظالم
للى مديره مستقصده وبيهدده
للى قاطعين الميه عنه والكهربا للى حياته كلها مليانه وبا
للى مراته معذباه وفى المحاكم ممرمتاه
للى جاب امتياز و متعينش فى الكليه علشان أبوه زبال
للى كان حلمو يدخل شرطه سألوه تبقى مين
وأبوك يبقى مين طب عندكم اطيان عندكم فدادين وهو ياعينى مسكين0
افتح لنا دواوين مظالم
للى اتحبس علشان يحوش بلوى عن أصحاب الكروش
للى اتحبس علشان مادفعش قسط المروحة
للى اتحبس علشان مدفعش وصل النور
للى اتحبس علشان لما أتخنق قال لئه
قال حرام .. بصووووت مسمووووع
للى اتحبس علشان ماشي دايخ مالهموم
قالوا عليه مسطول
واللى خدوه اشتباه من سنين وعينيه ماشفتش نووور
واللى حبسوها علشان بتجهز بنتها
كتبت وصولات على نفسها وهي ممعهاش مليم عايزة تفرح ببنتها قبل ماتقابل ربها..ماتت وهى فى سجنها
طب مين هياخد حقها
افتح لنا دواوين مظالم
خد حق كل اللى اتظلم
وانتقم من كل ظالم
وقدامك حلول........
طهر بلدنا من الفلول
اسمع كلامي .........
طهر بلدنا من كل فل
ومن القضاه اللى بيكدبوا
ويقولوا حكمنا دا مستقل
ومن الصحافه المغرضه
دى للفساد مؤيده
ومن مزيعى الفضائيات المأجورين
اللى ضميرهم ملك للى هيديهم ملايين
واعكش العكش وحريمه متلبسين
جوه فى قناة الفراعين
لازم تحاسب كل فل
والمجلس العسكرى يتحل
ساعتها المظالم هتترفع والأمن للشارع يعود
ولو غيرنا احنا ربنا هيغير
ومصر هتبقى حره وشعبها يتحرر
ولما نقول يارب لا هيبقى فيه مظلوم ولا يبقى فيه محتاج
بس احنا نتغير......... وأكيد هنتغير ...