رامي جمال التريند السادس على اليوتيوب بأغنية "خليني اشوفك"

تصدر الفنان رامي جمال، موقع الفيديوهات الشهير "يوتيوب" بأحدث أغنياته الذي طرحها أول أيام عيد الفطر، وتحمل اسم "خليني أشوفك" وأيضًا قد تصدر بها جميع مواقع التواصل الإجتماعي، وأغنية "خليني أشوفك" تحمل الطابع الدرامي الذي يحبه ويفضله جمهور رامي جمال.


وحققت الأغنية نجاحًا كبيرًا منذ بداية طرحها، وأصبحت الآن التريند 6 على يوتيوب 0
والأغنية من كلمات زياد حسن، توزيع عمرو الخضري، ألحان محمود أنور.
كلمات أغنية خليني أشوفك
خليني أشوفك مرة تانية ولو ثواني عشان أوريك إن أنا بقيت حد تاني..وعشان أقولك إني مزعلتش عليك..مبقاش في قلبي مكان خلاص متساب عشانك.. في حاجات كتير من يوم ما غبت خدت مكانك..من يوم ما غبت وقلبي تقريبًا نسيك..أنا فوقت خلاص وقسيت على قلبي وعلمته يبطل إحساس انت عملتلي عقدة أساسًا من كل الناس.. ربنا يجازيك وتعيش الجرح اللي أنا شوفته واللي يخليك تايه من بعدي ومش عارف تتلم عليك..ضيعت عمري عليك ومطلعتش بحاجة..كان لازم أبعد قبل ما أخسر كل حاجة..كان لازم ألحق نفسي ومسيبهاش تضيع..كان فاضل إيه هستناه منك يعني تاني..هستنى إيه من حد ضيعني وأذاني..مش هشتريك عشان انت متعود تبيعه..أنا فوقت خلاص وقسيت على قلبي وعلمته يبطل إحساس انت عملتلي عقدة أساسًا من كل الناس..ربنا يجازيك وتعيش الجرح اللي أنا شوفته واللي يخليك تايه من بعدي ومش عارف تتلم عليك.
رامي جمال يقرر طرح الألبوم كامل

واستجاب رامي جمال لمتابعيه ولبي رغباتهم في طرح الألبوم كامل وذلك بعد مطالبتهم بطرح الألبوم كامل، حيث نشر رامي جمال بوست عبر صفحته الرسمية بموقع التواصل الإجتماعي "إنستجرام" قائلًا: "«عشان خاطركم قررت أنا والشركة ننزل الأغنية الجايه يوم 18، وبعدها باقي الألبوم إن شاء الله يوم 24 الساعة 6، جاهزين ولا إيه».