فيلم حب البنات يتصدر التريند بعد 20 عامًا من عرضه

تزامنًا مع احتفالات عيد الحب والفلانتين، تصدر فيلم حب البنات التريند ومحركات البحث بعد 20 عامًا من عرضه، حيث تم إنتاجه عام 2004.
وعرضت سينما زاوية، الأربعاء 14-2-2024 فيلم حب البنات احتفالًا بعيد الحب، ليتصدر محركات البحث ونسب المشاهدات عبر يوتيوب مرة ثانية في عيد الحب 2024.
رسالة تامر حبيب بعد إعادة عرض فيلم حب البنات
وأعرب السيناريست تامر حبيب عن سعادته الكبيرة بإعادة عرض الفيلم في السينما، ووجه رسالة لجمهوره، من خلال حسابه الشخصي على موقع التواصل الاجتماعي فيسبوك.
وكتب تامر حبيب منشورًا على فيسبوك، قال فيه:« لسة راجع من سينما زاوية المحببة لقلوب كل اللي بيحبوا السينما كانوا عاملين عرض لفيلم حب البنات بمناسبة عيد الحب ومشكورين جدًا طلبوا مني اروح احضر الفيلم وعملولي لقاء مع الجمهور بعد الفيلم ما خلص».
وتابع "الجمهور اللي كان مالي كل كراسي القاعة ومافيش كرسي فاضي كانت طبعًا أغلبيتهم العظمي من البنات ويمكن 90% منهم كانوا اطفال أو لسة ماتولدوش لما الفيلم اتعرض أول مرة في 2004".
وأضاف: "أنا راجع من العرض ده طاير من السعادة والبهجة وحاسس بنشوة لا تضاهيها نشوة الشباب كانوا بيسمعوا الحوار مع الفيلم وهو شغال، وكانوا بيصفقوا مع ظهور الممثلين كأننا في مسرح وبيغنوا ويرقصوا مع كل كلمة في كل أغنية في الفيلم وفاجئوني بتصفيق مدوي بعد الفيلم ما خلص كأنهم كانوا في مسرحية لعادل إمام".
واختتم:« مهما وصفت، مش هقدر أعبر عن شعوري اللي حسيته من أول الفيلم ما بدأ لغاية دلوقتي حالًا وروح وبهجة وطاقة الشباب وهما بيحاوروني بعد الفيلم كانوا مخليني عايز اسجد شكرًا لربنا علي إنه انعم. عليا النهاردة بإحساس ماحستوش من زمااااان، أنا كنت قاعد وسط مجموعة من الشباب فاتحين عليا هويس حب وبهجةه بجد ماتتوصفش.... شكرًا جدًا لكل واحدة وواحد خلوني احس بسيل المشاعر ده، وشكرًا لصاحبة فكرة عرض الفيلم النهاردة من أسرة سينما زاوية، وفي عيد الحب بعد عشرين سنة من عرضه... وشكرًا يا سينما إنك عندك كل هذا السحر... وشكرًا يا امي علي دعائك ليا إن ربنا يحبب فيا خلقه، واحب اطمنك يا ماما إن ربنا استجابلك من وسع... وألف شكر وحمد ليك ياارب ".
فيلم حب البنات يتصدر التريند في عيد الحب
وخلال احتفالات العشاق ب عيد الحب، الفلانتين تحدث رواد مواقع التواصل عن فيلم حب البنات وذكر بعض المشاهد على السوشيال ميديا، خاصة مشهد الفنانة ليلى علوي الذي تحضر به تورتة لعيد الحب وتتحدث عنه، قائلة: «بكرة عيد الحب، مش شرط يكون اللي بنحبهم دول هما بس الحبيب والحبيبة، ممكن يكون الأب والأم والأخت والصديق والجار»، حيث ضجت وسائل التواصل الاجتماعي بهذا المشهد.
أبطال فيلم حب البنات
فيلم حب البنات تم إنتاجه عام 2004، وحقق نجاحا كبيرا في فترة عرضه فهو من الأعمال المفضلة لدى الجمهور ويستمتع بمشاهدتها حتى وقتنا هذا.
فيلم حب البنات بطولة النجوم ليلى علوي إلى جانب حنان ترك وأشرف عبد الباقي وخالد أبو النجا وأحمد عز وهنا شيحا، وأحمد برادة، وهو من تأليف نهاد عبد العزيز وإخراج خالد الحجر.