بسبب عفاف مصطفى.. عادل إمام متصدر تريند جوجل

تصدر اسم الفنان عادل إمام محرك البحث جوجل ب 2000 عملية بحث مؤخرًا، والسبب يرجع ل مداخلة الفنانة عفاف مصطفى في أحد البرامج وحديثها عن الزعيم عادل إمام عقب شائعات وفاته وقالت عفاف: "رامي إمام مش بيرد على حد خالص، حتى لما كلمته عشان اطمن على الزعيم مردش على الرسايل واضح أن في خصوصية بس أعرف أن في ناس بتزوره في البيت ونفسنا نطمن عليه ونشوفه، يمكن أسرة الزعيم عادل إمام بتخجل أن ست تروح تزوره لكن النجمات زي يسرا ولبلبة صف أول وزملائه ففي مساحة حوار وصداقة كبيرة بينهم".
وتابعت: "رامي إمام شخص خجول ومهذب جدا أجمل حاجه في أولاد عادل إمام أنهم تربوا تربية خاصة مشوفتش زيهم في الأدب والأخلاق والتواضع والخجل، وأنا اتعاملت معاه في مسلسل "العراف" و"عايزة أتجوز".
عفاف تسرد مواقف بينها وبين الزعيم
وأكملت عفاف مصطفى: "الزعيم عادل إمام كان بيقولي مفيش حد غيرك بيعرف يضحكني يا عفاف، أنا ممكن مضحكش حد على الشاشة بس أضحكه في الحقيقة، كان دايما يقولي تعالي أقعدي يا عفاف وضحكيني وكنت على طول بتواصل معاه تلفونيا وكنت أحكي له أني بصور في لوكيشن جنبه، كان يقولي تعالي اتفضلي أشربي فنجان قهوة أقوله لأ مش فاضية عندي تصوير، على طول كان بيسأل عني ويطمن ولو تعبانه كان بيقولي طيب أبعتلك دكتور علشان الموضوع ميكبرش، وكان يتصل تاني يوم ويتطمن عليا، هو حد جميل وطيب وودود".
معلومات عن عادل إمام
يعتبر الفنان عادل إمام أيقونة بارزة في عالم السينما والدراما سواء في مصر أو في الوطن العربي بأكمله باعتباره رمز من رموز الفن وزعيمه كما يطلق عليه الجمهور والإعلام خاصة أن مشواره الفني حافل ب الأعمال المتنوعة والمشهورة ما بين المسرح والسينما والدراما، كما نجح أن يتصدر المشهد في كافة المجالات الفنية حيث إنه استطاع أن يكون الممثل الذي كانت تذاكر أعماله السينمائية هي الأكثر شراء في فترة الثمانينات بالقرن العشرين وكان معشوق الجماهير من جميع الفئات العمرية
فقام بتجسيد شخصيات كوميدية كالشاب المتعلم والريفي، وقد لعب أدوار أكبر جدية لكي ينافس ممثلين جيله وهم محمود عبد العزيز، أحمد زكي ونور الشريف.
ومن نفس الجانب، تعتبر تعبيرات وجه وانفعالات عادل إمام بالإضافة لموهبته هي التي تميزه دونًا عن غيره فيستطيع أن يبكيك سواء من الحزن في مشهد حزين ومن الضحك في أي مشهد كوميدي وقد قدم أدوار كثيرة وكلها مهمة وكانت أكتر من 103 فيلم تتنوع مابين السياسة والرومانسية والدراما والكوميديا، وقدم أفلام من نوعية الأكشن زي حنفي الأبهة، المولد، النمر والأنثى، وفي بداية تسعينات القرن العشرين بدأت أفلامه تاخد الشكل السياسي الاجتماعي بطريقة كوميدية اللي بتتمثل في اللعب مع الكبار، الإرهاب والكباب، طيور الظلام، المنسي، وبعدها الأدوار اللي قدمها في المسرح زي الزعيم، الواد سيد الشغال، بودي جارد.