"خيانة وسلاح ومخدرات".. محطات الخلاف بين بوسي وطليقها وليد فطين عقب وفاته

تداول الرواد في الساعات الأخيرة نبأ وفاة طليق المطربة بوسي المنتج وليد فطين حيث أعلن الفنان حمزة الصغير على موقع "فيسبوك" وقال: "لا حول ولا قوة إلا بالله، الله يرحمك يا فطين. ويغفرلك".
وأضاف: "فطين مكنش صديق مقرب بس، فطين ده اتظلم من ناس كتير حواليه، وكانوا من أقرب الناس ليه، وكان فاتحلهم بيته، وطبعا اللي ظلموه اكيد عارفين نفسيهم، وهو دلوقتي في دار الحق وخصيم ليكم ليوم الدين، ارجو الدعاء له وقراءة الفاتحة، خبر صادم بصراحة".
وأكدت الراقصة الاستعراضية صافيناز، خبر وفاة المنتج ومدير أعمالها وليد فطين - طليق المطربة بوسي - حيث نشرت صورة لهما، وعلقت قائلة: "ربنا يرحمه.. أجدع شخص شوفته في حياتي".
تصريحات بوسي عن طليقها في حبر سري
وزاد الجدل خاصة بعد الخلافات الشهيرة بينهم التي وصلت إلى قاعات المحاكم وانتشرت في أرجاء السوشيال ميديا منذ أعوام حتى وقت قريب عندما حلت بوسي في ضيافة برنامج "حبر سري" وتحدثت عن الأمر فقالت: "أنا مش عايزة أخوض في سيرته كتير، الله يسهله.

وطول ما هو بعيد عني أنا تمام بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده".
وأضافت: "والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي مش هو بيقول أني صرفت عليها ؟
جيبي صوري زمان وشوفي منظري، دا منظر واحدة اتصرف عليها الأرقام اللي هو كان بيقولها ؟، وأنا اللي كنت ست وراجل البيت، أنا اللي كنت بصرف وأنا اللي كنت بعمل كل حاجة، أنا مش بتكسف من أي مرحلة في حياتي، ودا شرف ليا أني شقيت وتعبت، ووصلت للي أنا فيه، وفيه نحوا ناس ساعدتني، أنا مطلعتش لوحدي، وهو مكانش ليه فضل عليا، وهو كان بياخد الفلوس اللي كنت المفروض اخدها".
هجوم وليد فطين ل طليقته بوسي وتوجيه أصابع الاتهام لها
هاجم وليد فطين طليق المطربة بوسي، زوجته السابقة في أحد التصريحات التلفزيونية وقال "مطلعاني خاين لأ أنا مش خاين اللي عندها هيا بتطلعه فيا، الدليل على كده إنها حاولت تتخلص مني وحطيت لي ذخيرة وسلاح ومخدرات تحت السرير".
وتابع: "من أول ما حمدي بدر، دخل حياتنا المشاكل زادت"، مضيفًا: "كان يصادف يقول له إنت فين، دي بوسي في الجيم مع نجل منتج شهير، وأكد أن الأمور خرجت عن نطاقها لدرجة أنه ذهب لنجل هذا المنتج في مكتب والده وحدثت هناك مشكلات، فيما أكدا له إنه يفهم الموضوع خطأ ولا صحة إطلاقا لما يعتقده، وأخيرًا اتهمها بتوجيه عدد من الأشخاص بالتعدي عليه وسرقة شيكات وأوراق خاصة به.
أحكام بين بوسي وطليقها وليد فطين س
وقد صدر حكم ضد بوسي بالحبس 9 سنوات لاتهامها بتحرير شيكات دون رصيد قيمتها 30 مليون جنيه

كما وقيدت القضيتان برقم 21034 سنة 2015، ورقم 20353 سنة 2015 لصالح زوجها السابق وليد فطين بسبب عدم تقسيم الأرباح بينهم.