" الظروف مخدمتنيش في الغناء ودخلت مجال التمثيل عشان أرضي والدي".. أبرز تصريحات مي كساب

حلت الفنانة مي كساب، ضيفة ببرنامج "بودكاست بتاع أفلام"،وتحدثت عن أعمالها الفنية وسر ابتعادها عن الغناء وكواليس تعاونها مع الزعيم عادل امام في فيلم " بوبوس "، لذلك نستعرض أبرز تصريحاتها في السياق التالي.
ابتعاد مي كساب عن الغناء
كشفت مي كساب سر ابتعادها عن الغناء،قائلة:" الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول".
سبب دخول مي كساب التمثيل
وتابعت: "قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة، وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي، وهو كان شايفني خليفة شادية".
كواليس تعاون مي كساب مع عادل إمام
كشفت مي كساب كواليس فيلم " بوبوس " مع الزعيم عادل إمام،قائلة: "عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي".
صداقة مي كساب مع زينة
يذكر أن صرحت مي كساب خلال حلولها ضيفة على برنامج "تفاعلكم": "زينة صديقة ليا من زمان قبل ما نتشهر وهي محترمة وبعتز بصداقتها لكن في أغلبية التصوير هي مكنتش بتكون معانا فيه عشان كده مفيش حاجة بتجمعنا بيها لكن مفيش مشاكل بينا".
رباعية انسى الوجع
وتحدثت مي كساب أيضا عن غنائها رباعية انسى الوجع، حيث قالت: "محمد سامي فكر من الأول إن الرباعية تكون بصوتي أفضل وكان شايفني مطربة مقصرة في الغناء، ومحمد سامي صاحب وجهة نظر متفردة وبيعفر يوظف الفنان صح".

نجاح مسلسل جعفر العمدة
وتطرقت مي كساب بحديثها عن نجاح مسلسل جعفر العمدة، قائلة: "كان نجاح ساحق خصوصا اللي حصل في الشارع المصري والعربي وهو تفاعل الجمهور معانا"