أغنية "لحظاك بعادك" ل رامي جمال في صدارة تريند "يوتيوب"

احتل في المركز الخامس لتريند فئة الموسيقى على موقع "يوتيوب" أغنية "لحظة بعادك" ل رامي جمال وذلك عقب طرحها ب 3 أيام فقط حيث أنها حازت على ضجة واسعة وإشادات عديدة من قبل الجمهور بسبب النمط الحزين والدرامي التي تنتمي إليه وهي من كلمات الشاعر حسام سعيد، ألحان محمود أنور، توزيع محمد مجدي وتعتبر هذة الأغنية أولى أغاني ألبومه الجديد الذي يتم طرحه فى موسم الصيف.
وفي سياق متصل، شارك الفنان رامي جمال جمهوره عبر حساباته على مواقع التواصل الاجتماعي رسالة استقبلها من أحد أصدقائه عقب طرح الأغنية كشف فيها عن عودته إلى زوجته بعد 3 سنوات من الانفصال بفضل كلمات الأغنية وعلق رامي على هذا الموقف المؤثر قائلًا: "امبارح قبل ما أنام جات لي الرسالة دي وفرحتني جدا، وعاوز أقول حاجه من واقع حياتنا، الدنيا متعاشة مرة واحدة، متفرطوش في اللي بتحبوهم بسهولة، احنا للأسف جيل بيشوف الانفصال والطلاق سهل، رغم أننا اتربينا في بيوت كان بيحصل فيها مشاكل أكيد"
وأردف: "لكن كان أهالينا متمسكين أن البيوت دي ما تتهدش بسهولة، مشاكل الحياة كتير لكن متخلوش الأفلام والمسلسلات وحكاوي الناس تخليكم تطلبوا أو تستنوا من اللي بتحبوهم كل حاجة، وما تعلوش سقف توقعاتكم، احنا اتعلمنا أن البيوت تتهد على العرض والكرامة فقط، لكن خلافات الدنيا العادية لا ما تفتكروش، أن في حد حياته كاملة زي ما بتشوفوها على انستجرام والمسلسلات والأفلام، لو كل واحد وواحدة اتهيالهم أن الانفصال هيخليكم بكرة تعيشوا بحرية، وتلاقوا فرص وشركاء أحسن هتضيعوا من أيديكم"
وأضاف: "ناس احتمال كبير ما تتعوضش، أخيرا احنا عايشين مرة واحدة فسامحوا وحبوا وفوتوا لبعض، وامسكوا في حبايبكم، وأخيرا محدش عايش حياتك فأنت لو بتحكي لحد عن مشكلتك مع شريكك، خليك واثق أن رأيه وحياته مش قاعدة لازم تكون صح، أخيرا ايه رأيكم في أعنية لحظه بعادك".
كلمات الأغنية
وفات سنين وفينا مين حبيبي
من البعد استفاد
مش مرتاحين ونجيب منين
حبيبي صبر ع البعاد
وادي الليالي ماشية تسحب بعضها
ع الفاضي بيروح عمري مني
واعمل إيه لحظة بعادك دنيتي من بعدها
دنيا مملة واللي ابات فيه أصحى فيه
ينفع بقى نفضل كدة
والوضع دا ليه نرضى بيه
وادي الليالي ماشية تسحب بعضها
ع الفاضي بيروح عمري مني
رامي جمال يتحدث عن أغنية شقة
طرح رامي جمال مؤخرًا أغنية "شقة" لصالح إحدى الشركات العقارية، وذلك في موسم إعلانات شهر رمضان 2023، وهي من كلمات أحمد حسن رؤول ومن ألحان أحمد زعيم وتوزيع موسيقي وسام عبد المنعم.
وتحدث عنها من خلال نشر البرومو الرسمي للاغنية غبد صفحته الرسمية قائلًا: "اغنيه شقه اهداء مني ومن التلواني جروب لكل البيوت المتمسكه بعادات زمان الحلوه المتمسكين بلمه العيله والاصحاب والعزوه مشاركه الفرحه ووقت الجد وكل الاوقات هي دي مصر الحلوه اللي هتفضل حلوه بناسها واهداء مني لاهل المطريه اللي هاجي اغني الغنوه دي في وسطهم علي حلاوه مشهد اللمه والفطار والكرم اللي عودونا عليه مهما قلت حبي للغنوه دي واللي اتمني إنه ا تفضل وتعيش وده مش هيحصل غير بدعمكم"
وأضاف: "شكرا شركه بلان بي شكرا شركه التلواني علي جمال قلوبكم وحبكم لبلدكم وجوده مشاريعكم شكرا مخرجنا الغالي محمد القاضي وكل كرو التصوير والانتاج شكرا مهندس اسلام التلواني وشكر لصديقي عاصم بيومي والاغنيه من كلمات احمد حسن راؤول الحان احمد زعيم توزيع وسام عبد المنعم ماستر برو ستوديوز اداره سوشيال ميديا رضوي علي وشوفوها من بعد الفطار علي التليفزيون ان شاء الله وكل سنه وانتم طيبين لو عجبتكم اكتبولي رأيكم وشوفوها علي قناتي الرسميه علي يوتيوب".
آخر أعمال رامي جمال
الجدير بالذكر أن آخر أعماله هي أغنية عاملة إية وهي من كلمات أحمد العزب وألحان أحمد العدل وتم طرحها بالتزامن مع عيد الحب في فبراير الماضي


صداقة رامي جمال وتامر عاشور
الجدير بالذكر أن رامي جمال احتفل مؤخرًا بمرور 20 عاما على صداقته بالنجم تامر عاشور، ونشر صورتين تجمعاه بتامر عبر حسابه على "إنستجرام"، معلقًا عليها: "20 سنة عشرة.. 20 سنة حلمنا فيهم بحاجات ومن كرم ربنا علينا حققنا جزء منها 20 سنة أخوات وأصدقاء".وتابع: "ربنا يكرمنا وننجح أكتر ونحقق أكتر شعور ممتع لما ندخل كلية واحدة زمان ويبقي اللي بينا حلم واحد والزمن مغيرناش، لا أقولكم غيرنا شعرنا راح بس وراكم وراكم في الأحزان والرومانسية