أغنية "بنت أبويا" ل هنا يسري تحقق 10 ملايين استماع

حققت أغنية "بنت أبويا" نجاحًا كبيرًا منذ بداية طرحها، وهذه الأغنية هي أغنية الموسم الثاني من مسلسل "موضوع عائلي".

ولاقت الأغنية إعجاب الجمهور، وكسرت حاجز ال 10 ملايين استماع.

تفاصيل "الأغنية"

الجدير بالذكر أن أغنية "بنت أبويا" طرحت ضمن أحداث الحلقة الأخيرة من مسلسل "موضوع عائلي 2" وأغنية "بنت أبويا" هي من كلمات منه القيعي، ألحان إيهاب عبد الواحد، توزيع نادر حمدي.


كلمات أغنية "بنت أبويا"

وتقول كلمات الأغنية:
صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
آخر أعمال هنا يسري
الجدير بالذكر أن آخر أعمال الفنانة الشابة هنا يسري هي حكاية "لسه فيه امل" من مسلسل "في كل أسبوع حكاية" وكانت الحكاية من بطولة محمد كيلاني وكارولين عزمي.
وأيضًا قد شاركت مؤخرًا في مسلسل "العيلة دي" الذي عرض عبر قناة DMC والمسلسل من بطولة الفنانة وفاء عامر وإسماعيل فرغلي ومحمد ثروت وإنعام سالوسة، وغادة طلعت، وعدد كبير من الفنانين.