تامر عاشور يطرح أغنية "كان موضوع" من حفل جامعة الدلتا (فيديو وصور)

نشر الفنان تامر عاشور عبر صفحته الرسمية بموقع إنستجرام فيديو لأغنية "كان موضوع" من حفل جامعة الدلتا.

وعلق على الفيديو قائلًا: " كان موضوع من حفل جامعة الدلتا".

أغنية كان موضوع هي من كلمات هشام صادق وألحان مايكل رامى ومن توزيع فهد ومكس وماستر آمير محروس

والجدير بالذكر ان أغنية "كان موضوع" من ألبوم تيجي نتراهن التي طرح العام الماضي.
كلمات أغنية "كان موضوع"

كان موضوع بس نهيته
جرح قديم خفيت ونسيته
درس اتعلمته وصميته كثير لسنين
كان في دموع وقت فراقه
قلبي خلاص لملم أوراقه
كم موجوع بالأيام فاقوا وأهم عايشين
وأهو بقى ماضي كله اتنسى
عادي ده طبيعي بعد الأذى
وأنا لا هجازف ثاني أو أطمن للناس
ياما في حكاوي من دي اتنسوا
ومش أنا غيري ناس اتأذوا
وياما غيري هانوا وعانوا ونسيوا ده كله خلاص
وأهو بقى ماضي كله اتنسى
عادي ده طبيعي بعد الأذى
وأنا لا هجازف ثاني أو أطمن للناس
ياما في حكاوي من دي اتنسوا
ومش أنا غيري ناس اتأذوا
وياما غيري هانوا وعانوا ونسيوا ده كله خلاص
فاتوا شهور بعد غيابه
قلبي بيتقطع في عذابه
وفضلت أسأل إيه أسبابه وليه بيبيع
كان معذور لما أذاني
ولا عشان غدار فرماني
كل التفاصيل كانت واجعاني وكنت بضيع

آخر أعمال تامر عاشور

الجدير بالذكر أن آخر أعمال الفنان تامر عاشور هي أغنية "هتوحشنا" التي طرحها منذ أيام، استمرت الأغنية في تصدر تريند موقع الفيديوهات الشهير "يوتيوب"، منذ ذلك الوقت الذى طرح فيه أغنيته الجديدة "هتوحشنا"، وتخطت أغنية "هتوحشنا" للفنان تامر عاشور المليون مشاهدة، وحققت الأغنية نجاحًا كبيرًا وباهرًا، ونالت إعجاب الجمهور وتم تداولها بشكل كبير عبر مواقع التواصل الاجتماعي.وتنتمى أغنية هتوحشنا للفنان تامر عاشور إلى نوعية الأغاني الدرامية، ودائمًا ما يتميز تامر عاشور بهذا النوع من الأغاني، ويشيد دائمًا الجمهور بهذا النوع وينال إعجابهم

تفاصيل أغنية "هتوحشنا"

أغنية "هتوحشنا" من كلمات عمرو المصري وألحان محمود أنور وتوزيع محمد مجدي وميكس وماستر أمير محروس وجيتارات مصطفى نصر باص جيتار أحمد رجب وصولو أورج محمود شاهي وطبلة سعيد أرتيست.
ومن كلمات الأغنية:" أنت ليه محسسني انك صاحب الافضال عليا، واني بشحت حب منك وانتا يعني بخيل شوية، فوق كدا وبلاش لساني مش هتسلم م الاذية، هتوحشنا فضينا السيرة ودشدشنا، ورا ضهرك قلة ولا عطشنا، ممنوع تدخل عندنا تاني لو حتى هتيجي تمعلشنا، هتوحشنا هتوحشنا، فضينا السيرة ودشدشنا، وىا ضهرك قله ولا عطشنا، ممنوع تدخل عندنا تاني، أو حتى هتيجي هتوحشنا، ده إحنا الأرض ب ورد فرشنا، لما مشيت روقنا وفرفشنا، لمينا ورقتك قطعنا، قفلنا المشهد فركشنا"