محمد منير يتصدر تريند يوتيوب ب "للي"

تصدر الكينج محمد منير، موقع الڤيديوهات "يوتيوب" حيث احتل المركز الأول بأغنيته الجديدة "للي" والتي تقترب نسب مُشاهداتها من المليون الأول.
أكرم حسني
_تفاصيل أغنية" للي"
الأغنية من كلمات وألحان الفنان أكرم حسني، وتوزيع أمير محروس.
محمد منير

_كلمات أغنية" للي" للكينج محمد منير

وجاءت كلمات أغنية"للي" كالآتي:"سألته هل داق الولع كان الجواب صده، ساق الدلال ساق الدلع مفاتيح هواه صدوا، ومشيت أوشوش في الودع، ولا جاني يوم رده، اللي فتح باب الوجع، واجب عليه رده".

الكينج منير

أكرم حسني

أكرم حسني يكشف كواليس أغنية "للي" لمحمد منير
_أكرم حسني يكشف تفاصيل تعاونه مع منير

وحكى الفنان أكرم حسني عن تفاصيل أغنية "للي" التي كتبها للفنان محمد منير، مؤكداً أن قصتها بدأت منذ خمس سنوات، حيث تواصل معه الفنان محمد منير هاتفيًا لكي يهنئه على أحد أغانيه في برنامج "أبوحفيظة"، وطلب منه أن يكتب له أغنية.

وتابع أكرم حسني حديثه خلال تصريحات تليفزيونية، قائلًا: "قالي مين اللي بيكتب الأغاني قولت له أنا ومعايا واحد كمان قالي طب تعالى لي نقعد مع بعض ونتكلم وطلب مني إني أكتب له أغنية والكلام ده من خمس سنوات، ووقتها من كتر مانا مرعوب من تاريخ الراجل العظيم ده والراجل ده غنى لكل حاجة في الدنيا وبيغني من وأنا عندي 3 سنين وأنا بسمعه من سنة 77".

وأضاف أكرم حسني : "عارف لما القلم يترعش في إيدك وتييجي تكتب كلمة تقول لا مش هتعجبه وده إحساس مرعب، كتبت كلام وأنا مكنتش مقتنع بيه وكان عندي تردد وروحت قدمتهوله وكان توقعي في محله إنه ملفتش نظره ومعجبوش وقالي حاول تاني ومعرفتش، وفضلت طول الخمس سنوات دول عندي حلم عايز أحققه إن اسمي يتحط جنب اسم الراجل ده بأي شكل، ولو قدرت أطلع حاجة حلوة بصوته أبقى أنا مش عايز حاجة من الدنيا بعد كده".

عاجل.. أول تعليق من أكرم حسني على اتهامه بالسرقة

أكرم حسني يوضح حقيقة سرقة أغنية "للي"

وفي سياق آخر، رد الفنان أكرم حسني على الاتهامات التي وجهت له بسرقة كلمات أغنية" للي "، وذلك عبر حسابه الشخصي على موقع التواصل الاجتماعي "فيسبوك "، حيث كتب منشورًا قال فيه:" قريت من شوية بوست بيتهمني بسرقة كلمات أغنية " للي " من شاعر من جنوب مصر الحبيب وبعدها اكتر من صحفي كلمني بيطلب مني رد علي الاتهام ده ف خلوني أوضح كذا نقطة ".

وتابع أكرم حسني:" كل الحب والاحترام والتقدير لكل موهبة فنية بتقدم فن يحترم الجمهور وجنوب مصر خرجلنا شعراء وأدباء كتير علي رأسهم الخال الأبنودي رحمة الله عليه".

وأضاف:" أؤمن بحقوق الملكيه الفكريه كما أؤمن بان السرقه الفنيه تصنع نجاح مؤقت.. تشابه جملة من الأغنيه التي تتكون من 12 بيت مع جملة للشاعر لا يعني السرقة وانما توارد الافكار امر طبيعي ".


وواصل كلامه قائلًا:" لما كتبت الاغنية كانت مكونة من 20 بيت اختار منهم الكينج 12 بيت وتم تسجيلهم ف معتقدتش اللي كتب 20 بيت هتقف معاه في جملة عشان يسرقها، أنا بكتب أغاني بقالي أكتر من 8 سنين من خلال برامج ومسلسلات واعمال فنية قدمتها وكنت علي سبيل المثال في اغاني برنامج أبو حفيظة قبل ما بستخدم لحن أي أغنية في البرنامج برجع لجمعية المؤلفين والملحنين واسدد الرسوم حفظا لاصحاب حقوق الملكية الفكرية ف اللي يعمل كده بيتهيألي صعب يحط نفسه في موقف زي ده، أنا مهنتي الأساسية ممثل وبحب صناعة الأغاني من باب الهواية ف انا مش محتاج اسرق عشان أعمل رصيد لنفسي كشاعر أنا بعمل ده بحب".