أعضاء نقابة المهن التمثيليلة يشككون في نزاهة المجلس !!!!!

بعد مرور أقل من خمسة شهور علي عضويتهم داخل مجلس نقابة المهن التمثيلية ظهرت أولي مشاكل المجلس مع أعضائه والتي يتقاعس المجلس في حلها والحفاظ علي حقوق أعضائه من الفنانين حتي جاءت هذه الرسالة الي المجلس علي صفحة "أشرف عبد الغفور نقيبا للمهن التمثيلية "والتي قام بكتابتها أحد أعضاء النقابة "اسلام حياكة "ووجه اتهامه لأحمد صيام وهو عضو مجلس واحد المشاركين في معظم الاعمال الدرامية التي وجدت بها مشاكل انتاجية ولم تحل حتي الأن وكذلك لباقي أعضاء المجلس أيضا وجاءت رسالته كالاتي :

هام للجمعية العمومية _______________________ الزميل محمد الاحمدى ومدحت تيخة .... عمل الزميلان فى مسلسل 3 فى 1 ... وبعد تصوير عشر حلقات من المسلسل قبل رمضان ابتدى المنتج يتهرب من تسديد الحقوق للممثلين ثم اختفى نهائياً ... وقام بمط العشر حلقات وجعلهم 15 حلقة وتم بيعهم واختفى .... توجه الزملاء العاملين بالمسلسل بتقديم شكوى للنقابة لحفظ حقهم ..... وكانت الردود كالعادة ... هنعملكم ايه ... انتوا اللى اتفقتوا مع منتج من الشارع .. هنبقى نرفع قضية .... هنشوف القانون ... ما انتوا معكوش عقود ... وبعدين ماقلتوش على المخالفات اللى فى المسلسل ليه ؟...... ماهو المسلسل متباع فضائى وملناش سلطة على القنوات الفضائية ... اولا .... كلمة هنعمل ايه دى .... المفروض تبقى مش موجودة فى قاموس النقابة ... لأن ابسط الامور اعلان عن عدم تعامل النقابة مع شركة الانتاج .... ثانيا .... بالنسبة للمنتج من الشارع ورفع القضية والقانون .... واجب على النقابة سرعة رفع الدعاوى ضد شركة الانتاج المنتجة لمسلسل 3 فى 1 والشركة المنتجة لمسلسل شبرا تى فى ... لأن الشركتين هربوا من دفع مستحقات الفنانين .. ويبقى فى قوة فى التعامل مع باقى الشركات التى تعذب الفنانين فى دفع مستحقاتهم ... امثال بركة ديزين ... وبانوراما دراما ... ولو مش قادرين يعلنوا عدم مقدرتهم على مواجهة شركات الانتاج .. عشان نبقى عارفين كأعضاء ... ويعملوا زى احمد هانى لأخذ حقهم ... ثالثاً .... ما انتوا معكوش عقود ... ماهو النقابة من زمان وهى مترمخة على نقطة العقود دى ... فين تطبيق قانون ان الممثل النقابى لو ماتقدمش بعقدة خلال اسبوع من تعاقدة مع الشركة يتم معاقبتة .... ده النظام اللى بنحلم بتطبيقة ... وانتم يا مجلس مطبقى النظام ... وكان زمان الزملا كلهم بيجروا يجيبوا نسخ العقود وماكنش الاحمدى وتيخة ماوقعوش فى نسباية العقود دى ... رابعا ... القوالة عن المخالفات اللى فى المسلسل .... يا جماعة فى عضو مجلس شغال فى المسلسل ده وهو الاستاذ احمد صيام ... يعنى عايزين الممثلين يشاورا على المخالفات والاستاذ عضو المجلس موجود من البداية وحاضر المخالفات وحاضر موضوع العقود وحاضر هروب شركة الانتاج وواقف مكتوف الايدى وسايب ضياع حتى الرسم النسبى عن المسلسل ... ولما استنجدوا بيه ... قالهم ماقلتوش لية قبل ما المسلسل يقف .... وده اسمة كلام ... ده غير وجود سيادته فى العديد من المسلسلات المليئة بالمخالفات ... ده غير عدم تواجدة بالنقابة عدما ارادا الزميلان الاستشهاد به امام باقى المجلس ... خامسا ... المسلسل متباع فضائى ومالناش سلطة .... يا مجلسنا المحترم المسلسل متباع للنيل كوميدى ... يعنى شركة مساهمة مصرية ... تابعة للتليفزيون ووزارة الاعلام ... يعنى حكومى .... ولا هى النقابة مش عايزة تتحرك ... يبقى تتفضلوا كمجلس تعلنوا ده وتعرفونا بردة .... ولا انتوا بتجروا ورا مشاكل الكبار بس زى مادلين طبر وغيرها ... ومابتعرفوش تاخدوا قرارات ضدهم ... زى ريم البارودى اللى المفروض تتوقف عن العمل لأنها على خلاف مع ممثلة نقابية عندكم وهى ميسرة ... ويخرج الاستاذ ابو داوود بأن المستشار بيقول ان دى قضية مدنية مالهاش دعوة بالنقابة ... على اساس ان ميسرة واحدة من الشارع ومالهاش دعوة بالنقابة .... عيب يا اساتذة بجد عيب وبتقعدوا تقولوا احنا بنعمل واحنا بنسوى ... احنا مانعرفش حاجة طالما الاستاذ المتحدث الرسمى قاعد منعزل ومش عايز يتحدث عنكم بحاجة ... وبعيد عن العلاج والادوية والشئون الاجتماعية .... فين افعالكم لحفظ حقوق الفنان والمهنة ..... ولو هى شئون اجتماعية وبس يبقى النقيب السابق اولى لأنة شاطر فى النقطة دى قوى .... واللى جوة المجلس ومش عاجبة تصرفاتة يتفضل بكشف ده علانية ... لأن صمتة يعنى اشتراكة