نشوى مصطفى: لمة العيلة رزق

أكدت الفنانة نشوى مصطفى، أن كل شى فى الحياة رزق من الله واستعانت بقصة والدها الذى فضل الجلوس معهم فى مصر من أجل إعطائهم حبه وحنانه عن السفر بعيدًا عنهم بحثًا عن المال مؤكدة أن المال سيعوض ولكن حنان والدها لم يعوض بعض.



وكتب نشوى، على صفحتها الشخصية عبر موقع التواصل الاجتماعى "فيسبوك":" زماااااان وانا طفلة ابويا الله يرحمه جاله شغل بفلوس اضعاف اضعاف مرتبه فى دولة عربية شقيقة وفاكره ساعتها انه رفض وقال لصديقه اللي جايب له السفر لو سافرت حاجيب فلوس صحيح بس حاجيب منين حضن نشوى ونيفين وميرفت وشعلقتهم فى رقبتى وانا راجع من الشغل وهما شايفنى من البلكونة وانا راجع والاقيهم فاتحين الباب ومستنينى على السلم وتمر الايام واشتغل انا فى حلم عمرى -- الفن -- واللي بيشتغل فى الفن يعرف مدى الاكتئاب اللي ممكن الفنان يعيشه لو اتعطل عن ممارسة فنه وفترة من الفترات شعلى تقريبًا وقف تمامًا.

وأستكملت حديثها:" عادى بيحصل فجالى اكتئاب عادى برضه بيحصل لقيت امى بتقول لى يابنتى قعدتك من غير شغل دى رزق استغربت وقلت لها رزق ازاى ياماما -- قالت لى رزق ولادك استغربت اكتر وقلت لها بالعكس رزق ولادى انى اشتغل فيكون فيه فلوس اكتر انى اشتغل فأكون مبسوطة اكتر فأسعدهم -- قالت لى ولادك يمتعهم حضنك ويفيدهم اكتر مايفيدهم انك تزودى مصروفهم وانتى تفرحك قعدة مريم على حجرك ويفرحك انها تقلدك وانتى بتغسلى قدامها المواعين اكترمن فرحتك بمشهد حلو عملتيها كل واحد فينا عنده مصادر لبهجة القلب والروح يقدر بيها يبقى امتع واغنى الناس

وأنهت قائلة:" لمة العيلة ودفى القلب والحب ربنا يديمها علينا نعمة صباحكم دافى ويومكم بيضحك".