طالبت الفنانة الشابة مى عز الدين، مساندة السادة الصحفيين لها، بعد انت مشبت أزمة بينها وبين إداره شبكة قنوات "mbcمصر" والذى يعرض المسلسل الخاص بها "وعد" حصريا على قنواتها. وكتبت مى، رسالة طويلة عبر حسابها الشخصى بموقع التواصل الاجتماعي "فيسبوك" استعطفت فيها جمهورها المستاء من عرض مسلسلاها على قناه واحده بموعد واحد. وجاءت رسالة مى، كالتالى:" طيب أنا قضيت اليومين اللي فاتو بحاول أطالب إدارة قنوات Mbc مصر بزيادة إعادات المسلسل وعرضه علي قناة Mbc مصر كمان لأنه بيتعرض علي Mbc مصر 2 فقط ودي ناس كتير مكانتش تعرفها ولا منزلاها وهو المسلسل الوحيد اللي كمان من إنتاج شركة تابعة ليهم ومع ذلك مش راضيين يخلوه بيتعرض علي القناتين بتوع Mbc مصر وسايبينه علي Mbc مصر 2 بس". وتابعت قائلة:"و في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف !!! يعني انا كده مطلوب مني أقوم قناة لوحدي !!! تمام وانا بقول لmbc قبلت المسؤلية وبإذن الله ربنا يكرم والقناة والمسلسل يتشافو والحمدلله فيه علامات باينة من كم الإعلانات اللي جه من بعد اول حلقة للمسلسل وغيره وانا هعتبره إمتحان ليا يعرفني قدري عند الناس وهل فعلا بيحبو مسلسلاتي أو لا ونسبة الجماهيرية اللي وصلتها ايه مع اني مهما كان ليا جمهور اكيد كنت اتمني اني اتشاف من الناس اللي مش من جمهوري لأن ساعات بتكون كا مشاهد ملكش في ممثل لكن لو قابلت حلقة لمسلسله بالصدفه وعجبتك بتقرر تتابعه وده في الاخر بيبقي خلاني كسبت مشاهد جديد بقي بيحب يتفرج علي اعمالي وده طبعا مش هيحصل السنة دي لأن مفيش حد بيبقي معدي وبيشوف القناه دي بالصدفة الناس لسه اصلا بتتعرف علي طريقها من خلالنا وبينزلوها". وتابعت قائلة:"لكن قدر الله وما شاء فعل وبالتالي عندي طلبين اولا بطلب من جمهوري وروابط الفانز بتاعتي تساعدني في نشر تردد القناه لكل الناس اللي مش عارفة تجيبها وبطلب من صحافتنا تشهد انا بدأت رمضان بقناة كم الناس اللي عارفها قد ايه وصفحتها حتي علي الفيسبوك فيها كام وبعد رمضان تقولولي بأمانة هل قدرت فعلا في ظل الظروف دي أنجح ولا لأ. ومتابعة نسبة مشاهدة القناة علي اخر رمضان هتكون وصلت لأيه ومشاهدة المسلسل علي موقع شاهد دوت نت وصلت لأيه لأنه المكان الوحيد اللي الناس تقدر تشوف الحلقة فيه لو موصلوش للقناة. شهادة الصحافة والجمهور ساعتها تعويض يكفيني".
