نصائح "أبوحفيظة" للرجال والنساء فى العلاقات الرومانسية

قال الإعلامي أكرم حسني، المعروف إعلاميا ب"أبو حفيظة"، إن هناك فرق بين الرومانسية و"المُحن" و"الأفورة" في العلاقة بين الرجل والمرأة، موضحًا أن "الرومانسية لما تقولها كلمة حبيبتي، إنما أول ما تقولك يابيبي أو العكس يبقى ده مُحن ملهوش لازمة، واحدة تقول لحبيبها أنا زحلانة وأنا مش عارف أنا كل الكلام ده محُن، وكلام فاضي، ومن يقوم بذلك لديه نقص".
وأضاف "حسني"، خلال تقديمه برنامج "للرجال فقط" المذاع على إذاعة "نجوم إف أم"، اليوم الثلاثاء: "الست بتبقى عايزة حاجة دهب أو ماس في المناسبات كهدايا وتيجي تجبلها وردة تكسرها ع دماغك، فلازم نبقى رومانسيون مع بعض بس مش بطريقة مستفزة، فيكفي أن يقولوا بحبيك بموت فيك، ولكن مش لازم برده كل يوم نقول وحشتيني وبيبي وبموت فيكي، يعني بلاش أفورة".