كيف استقبل رواد "فيس بوك وتويتر" تقنين"الحشيش" ؟

علق عدد من النشطاء ورواد موقعي فيس بوك وتويتر، على مطالب رئيس رابطة تجار السجائر بتقنين الحشيش، وبيعه كأي منتج عادي، واعتباره مصدرًا للدخل القومي، يُسهم في علاج عجز الموازنة.

حيث قالت رحاب جمعة: محسسني أن تقنين الحشيش هيفرق في حاجة! ما كلها ضاربة من غير تقنين، وعلقت صافي :" صندوق مكافحة الإدمان: تقنين الحشيش يهدد المجتمع المصري «الآمن بطبعه»، حد يلايمني على أوبشن "صوت صروصور الحقل".

وقال نيازي: بالنسبة لموسم الهري عن تقنين الحشيش، إحنا لما نحب نعمل حاجه، نشوف العيوب والمميزات بتاعتها، ايه المميزات من تقنين الحشيش .. فلوس . صح ؟، وعلقت انجي : إشكالية تقنين الحشيش علشان نحصل عليه ضرايب دي هايلة حقيقي! طب بنتريق على اليمن ليه!! احنا هنغيب الشعب وناخد فلوس كمان .. يابلاش!.

وقالت أسماء: مصر الديمقراطية الحديثة اللي عايزنها، تقنين الدعارة ..وتقنين الحشيش كله بالقانون !! شعار المرحلة هلس في هلس، فيما قال محمد محسوب:" مصر تبدأ أولى خطوات النهضة الكبرى بدراسة تقنين الدعارة وتعاطي الحشيش..تطبيقا لمقولة ب"الهلس" تبنى الأمم!، وعلق عباس: خطوه علي الطريق الصحيح.. مصر أم الدنيا.

فيما تهكم طارق خلال صفحته على تويتر:" تقنين الحشيش لتخفيف المعاناة علي المواطن"، وقال إبراهيم جمال: أنا شايف البلد ينصلح حالها في 3 خطوات:
1- تقنين الحشيش (القنب)
2- تقنين وتنظيم الدعارة
3- تفتحوا محطة السادات .