أكرم حسنى يقدم دليل أبوحفيظة للأكل

أكد الإعلامى الساخر أكرم حسنى، الشهير ب "أبوحفيظة" بأن هناك أكثر من حالة زواج فشلت بسبب عدم معرفة الزوجة بأصول الطبخ.
وأضاف خلال برنامج "أسعد الله مساءكم من جديد" على قناة mbc مصر قائلا: "طبعا ده مينفعش وخصوصا أننا شعب آكيل، ومع مواكبة العصر طلعت فراخ تندورى وتشيكن رول، جريل، رغم إن زمان مكنش فى غير نوعين الفراخ المحمرة والمسلوقة، وكمان المكرونة كان زمان إما بالصلصة او باشيمل لكن دلوقت أستغفر الله، مكرونة لازانيا وباستا دى أسماء لاعيبة مش اكلات.
وتابع قائلا: "عشان كده جبت دليل أبو حفيظة المصرى للأكل كالتالى:
"أولا لما تفكر أنك تاكل من برة، لو هتعمل أوردر فى التليفون المسئول عن الأكل هيسمعك قصيدة تحب تجرب، ونصيحتى ليك إن الحاجات دى لو فيها خير كانوا حطوها فى المنيو، لو هتاكل فى المطعم نفسة يبقى أعرف إن منيو ياعنى قائمة طعام ياريت تختار اللى إنت بتحبة مش الارخص يا مجدى، وخالى بالك الجرسون هيفضل مبتسم لغايت أما تقول جملة لف الباقى ديلفرى، والثلاث صوابع ودبوس الفرخة مبيتخدوش تيك اواى".
واستكمل حديثه قائلا: "لازم تعرفى إن الجرسون مسئول إنه يجيب لك الأكل، مش عشان ياخد موبايلك ويصورك انتى وخطيبك، كمان أنصح أى حد بياكل برة أنه أوعى تسيب كوباية العصير أدامك لإن الجرسون هيستهبل وياخدها حتى لو لسة مخلصتش شرب".
وأضاف: "السلطة دى إسمها مقبلات فواتح شهية مش تعد تاكلها بالعيش لغايت متشبع يا طفس، وبالنسبة للشوربة غير انك تشربها من غير صوت، أرجوك مجتش على الشوية اللى فاضلين فى الآخر، تضطر ترفع الطبق عشان تشربهم، وكمان لما يجيلك قبل الأكل تحية الشيف لحضرتك عيش وزبدة قوله لو قطة سيامى كنت نزلت حاجة اكثر من كدة".
وقال: "لو قررت تاكل مكرونة برة البيت اطلب اى حاجة غير اسباكيتى عشام متهنيش نفسك، وبالنسبة للمحلات عندنا نتانة وتلوث، عايزين بقى الجربوع، اللقيط، ومش منطقى يبقى إسمك فطاطرى عرفة ولما أشوف المنيو ألاقى مكتوب بيتزا بياترو فورماجى".
واستكمل حديثه قائلا: "أما بالنسبة للسوشى ده نعمله حلقة لواحدة ولو عرفت تفهم حاجة من المنيو مش هتعرف تاكل بالعصايتين، ولو عرفت تاكل مش هتشبع غير بعد ما بتاكل 450 قطعة، ونصيحتى إنك متاكلش برة البيت لإن بتدفع تمن حاجان مش بتاخدها ضريبة شهرة، نجاح، وفى حين ممكن تدفع ال 200 جنية دول مثلا لعربية الكبدة اللى تحتك بصاحبها".
اما بالنسبة لأكل البيوت: "أسعد الحظات إن لما تبقى عندك عزومة ويمشى الضيوف وهما سايبين أكل كتير، وفى نفس الوقت أتسع اللحظات لما أمك تأكلك من باقى الأكل لمدة أسبوع".
وأضاف: "لما حد يقولك خليك شيك فى الأكل أوعى تسمع كلامه، وخليك طفس على قد ما تقدر لإنك مش هتشوف التنوع دة تانى واللى بتبقى فيه فرحتك زى فرحة عرفة السيد لما يجيلة عقد ريال مدريد، كمان لازم تكون زكى فى إختيارك مكانك على الترابيزة لازم ميكونش جنب العيش والمياة، إختار مكان جنب الشخص اللى عزمك وأقرب ما يكون للفخدة الضانى، أما لو إنت نباتى متروحش العزومة لإنك هتقضيها أسئلة لية عامل كدة فى نفسك".
ونهى حديثه بنصيحة أخيرة قائلا: "أى طبق فية صنف غريب وطنط مصممة إنك تدوق، إهرب، لإن طنط قعدة أدام قناة فتافيت عشان تعمله، وإنفد بجلدك إنت مش فار تجارب".