الصلع الوراثي وعلاجه

السلام عليكم وازيكم جميعا .. انا بنت و عندي 24 سنة عندي مشكلة فعلا تعباني وقلقاني لدرجة اني مش بفكر غير فيها , شعري بدأ يخف بوضوح لأي حد بيشوفني والسبب عرفته لما رحت لدكتور وقالي السبب هي الضغوط العصبية اللي بمر بيها
وانا من حوالي شهرين كان عندي حالة وفاة فأعصابي باظت أكتر , لما كنت مع الدكتور سألته على تفاصيل كتير في سبب اللي حصل قاللي معلومة ضايقتني جدا وهية ان البنات كمان بيحملوا صفة الصلع الوراثية لكنها بتبقى صفة متنحية يعني ممكن الشعر يخف فعلا بس ما يوصلش لدرجة الصلع بالشكل اللي عند الرجالة والموضوع ده أحبطني لدرجة اني فقدت الأمل في ان شعري يرجع زي الأول , الدكتور كتبلي على فيتامينات بس مش حاسة بالفرق الفظيع يعني وانا كمان معدتي بتتعب من الفيتامينات بكل أنواعها ... مش عارفة اعمل ايه وياريت يكون الرد مفيد أرجوكم وشكرا جدا .
فضفضة
صديقتي الجميلة .. يوجد ما يسمى بالميزو ثيرابي .. هو طريقة مستخدمة لعلاج ما تشكين منه ويعالج أيضا مشاكل البشرة وأشياء أخرى كثيرة , دعينا نتكلم عن شكوتك .. الميزو ثيرابي عبارة عن مجموعة المواد الطبيعية الموجودة بالفعل في جسم الإنسان والتي يفقدها نتيجة العوامل النفسية والجوية والنظام الغذائي الخاطئ , هو عبارة عن ( رول ) به إبر دقيقة جدا يشبه فرشة الشعر الخاصة بالسشوار , يوضع به بمعرفة الطبيب تلك المواد التي تحدثنا عنها ثم تستخدم بالتمرير على جلد الرأس ليبدأ الجلد بإستقبال هذه المواد ليغذيه مرة أخرى ويعيد له ما فقده كما ذكرت وقبل هذا يقرر الطبيب عدد المرات التي يحتاجها شعرك للعلاج , من مميزات الميزو ثيرابي انه يعيد الشعر إلى طبيعته من حيث كثافة الشعر الأصلية حتى وإن تدخل العامل الوراثي في التأثير عليه بالسلب .. أعتقد بعد هذه المعلومات ستنامين في حالة من الإطمئنان .. وسأرسل لك على الميل رقم وعنوان طبيب متخصص في هذا النوع من العلاج .. لك مني تحياتي واطمئني .