غزل البنات

ازيك يا أستاذة وحشتيني ،
على فكرة نسيت أقولك ان احد أسباب خناقي مع خطيبي أني مدمنة حلويات وخصوصا غزل البنات وهوة بيحاول يقنعني باني أبطل الكلام ده علشان خايف اتخن بعد الجواز وطبعا دي عقدة كل الرجالة .. عارفة أنها مشكلة عبيطة لكن بجد انا بدخل في مود وحش لما ما اكلش حلويات وهوة مش مقدر الموضوع ده .. اعمل إيه ؟
يا نهى .. دربي نفسك على عدم تناول أي حلويات إلا في مواعيد قليلة جداً .. بمعنى .. تاكلي الحاجات اللي بتحبيها مرة كل اربع أيام او اكتر ولما تنجحي في ده اعملي لنفسك مكافئة وهية انك تشتري لنفسك اللي بتحبيه وممكن تكون المكافئة هنا انك تاكلي قطعتين من أي نوع شيكولاتة مثلا بدل واحدة لكن بشرط .. الأسبوع اللي بعده هترجعي تاني تاكلي قطعة واحدة .. بالشكل ده هتبقي ما امتنعتيش عن الحلويات وفي الوقت نفسه مش محرومة منها نهائي .. وكمان هتبقي نجحتي في التدريب اللي هيبقى بعد كدة أسلوب حياة .. بس خلاص .. وبالهنى والشفا .
[email protected]