بالفيديو.. نص المكالمة الكاملة لفضيحة "محمد حسان وأبو إسلام وصفوت حجازى"

مكالمة تليفونية مسجلة كشفت حقيقة الشيخ محمد حسان، والتى كانت بين "إسلام"، المصور بقناة الرحمة، والشيخ "أبو زيد"، شقيق الدكتور محمود الرضواني، والذي يمتلك أوراقًا تؤكد حصول محمد حسان على 35 ألف جنيه من رجال أعمال مقابل إلقاء خطبة الجمعة بأحد المساجد المتفق عليها سلفا.. وذلك بمقتضى عقود مبرمة بين حسان ورجال الأعمال.. و"إسلام" يمتلك أصل هذه العقود ومحمود حسان، شقيق الداعية، يحاول الفتك به والحصول على هذه العقود.

في المكالمة يقول "أبو زيد" ل"إسلام"، "الورق اللي معاك بخصوص أيه يا إسلام؟".. يرد إسلام: "بخصوص خطب الجمعة.. كنا بننطلق مع الشيخ - محمد حسان- في خطب الجمعة، وكنا بنعمل له عقود للخطبة بسعر وعلشان تعرض الخطبة على القناة بمبلغ، فهو- أي الشيخ حسان- لا يعرضها كل يوم على الناس وخلاص لا.. والنقل المباشر بفلوس.. الخطبة تبدأ من 15 ألف تصل ل30 ألف جنيه".

ويسأل الحاج "أبو زيد" المسجد بيدفع ده؟ فيرد عليه إسلام: "مش مسجد يا مولانا رجال الأعمال بيدفعوا الفلوس".. "أبو زيد": "عارفين أكتر من كده الله يسهل لهم".. إسلام:"كل الحاجات دية بالعقود مع محمود حسان".. ويسأل "أبو زيد": "اللي يدفع كل ده ياخد عقد عليه ليه؟ ".. إسلام: "لا.. دي عقود بين المسجد وبيننا علشان خاطر يمكن يتعاقد على خطبة معانا بعدها بسبع تمن شهور"...

ويسأل أبو زيد: "أخ إسلام ما تزعلش مني ليه أنت بتعرض الموضوع دلوقتي حصل موقف؟" إسلام:"أنا كنت شغال معاهم كويس جدًا.. ومعايا كلمة مسجلة بيهددني فيها - محمود حسان".

أبو زيد: "طب ليه كده؟".. إسلام:" قلت له وحياة أمك لأعلمك الأدب.. وتاني يوم بالليل كلمني.. وقلت له أقابلك فين.. قال لي قابلني في أكتوبر عند منطقة في جامعة أحمد زويل وهي منطقة هس هس.. وبد شويه صاحبي كلمني وقال لي أوعه تقابل محمود حسان، وقلت له مين عرفك فقال ليّ حصل كذا كذا، وقال لي باعت لك ناس تضربك وتعدمك العافية واوعي تطلع الحاجات اللي عندك".

أبو زيد:"بلطجي يعني..".. إسلام:"كل حاجة متسجلة عندي ".. أبو زيد: "الشيخ حسان علميًا ما عندهوش علم.. بيمشي مع التيار بيشوف التيار مع مين علشان ما يخسرش الفلوس اللي أنت بتقول عليها دية لكن أحنا بنقول لا ده دين.. وهو- محمد حسان- طلع على مرسي وبعدين مبارك.. الله يسهل له".

أبو زيد:"أنصحك نصيحة يا أخ إسلام.. عارف مين يخاف منه محمود حسان أكثر الأخ رمزي ده.. حاجة كمان ما تدورش على مكسب مادي.. لأنك مش هتاخد حاجة وهتضيع حقك.. ولا حد هيقف معاك.. ما تساوموش- محمود حسان- علشان الناس تقف معاك".. إسلام:"خلاص ماشي.. ماشي".

أبو زيد: "علشان هما معاهم جريدة... قول للصحفي أنه يعملك الموضوع مانشتات على كل أسبوع مش مرة واحدة".. إسلام: "الحاجات ديه أخذتها يوم ما كنت ماشي بلم حاجتي، لأن الدوسية والحاجات دية أنا المشرف عليها أخذت الدوسيه كله ومشيت".. أبو زيد:" حافظ على نفسك، وخلي بالك منهم".

أبو زيد:" سمعت المقطع بتاع الشيخ يعقوب وهو بيقول عليه أنا عارف أن الشيخ حسان له علاقة بأمن الدولة.. وأخوهم أحمد– أخو الشيخ حسان- عليه أحكام بعشر سنين".. إسلام:" أيوه في واقعة العربيات والحاجات دية.. وحسن كمان- أخو الشيخ - " أبو زيد:" وعرضنا قضيتهم على القناة أيضًا".. إسلام:" حسبنا الله ونعم الوكيل حقي عند ربنا مش هيضيع".

أبو زيد:" ما تعرفش أن محمد حسان واخد فلوس من القذافي قبل ما يموت؟" إسلام:" يا نهار أبيض.. يا نهار أبيض" أبو زيد:" ما تعرفهاش دية؟" إسلام:" لا معرفهاش والله!" أبو زيد:" لا ده واخد 15 مليون يا عم، أمال أيه.. وأبو إسلام بتاع قناة الأمة كان معاه هناك، وصفوت حجازي واخد 5 مليون كمان".. إسلام:" صفوت حجازي الحرامي..".

أبوزيد:" إحنا بنعرض الصورة دلوقتي، والحاجات دية موجودة على موقع القناة وعندنا في القناة".