غنى في فرح بدون مقابل.. تفاصيل موقف إنساني من تامر حسني

كشف الشاعر الغنائي تامر حسين عن موقف إنساني من الفنان تامر حسني تجاه أحد المعجبين له، الذي حضر فرحه بشكل مفاجيء وغنى دون مقابل.
وكتب تامر حسين عبر فيسبوك:" شكراً ل أخويا وحبيبى النجم الكبير المُحترم تامر حسني.. موقف إنسانى من مواقف تامر المحترمة جداً اللى بيعملها كتير (من قلبهُ ) ويفرح بيها ناس كتير بِتحبه الراجل بعت لهُ إمبارح.. إن أخو صديقة ليا وعشرة عُمرى بيحبك وعايز بس فويس مُباركة منِك تقوله ألف مبروك فرحهُ بكرة سألنى إسمه ايه ؟ وبعدها طب إسم عروستهُ قلت هيعمل إهداء ب إسمهم كتر الف خيره".


واستطرد تامر حسين:" قالى الفرح فين ؟ قلت لاء الموضوع كده كبِر بلاش ياتيمو كتر ألف خيرك مباركتك دى هتفرحهم وفضِلت بألح عليه.. بأكتر من رساله مايجيش لأني انا شخصياً هروح من 8 ل 10 وهمشى عشان عندى فرح تانى معزوم فيه ماردش عليا إمبارح تماماً بعدها قلت أكيد فهم إنها مش مستهله روحت الفرح ومشيت وجالى تليفونات من كل اللى فى الفرح شكر وصريخ واندهاش وفرحة ما بعدها فرحه للعريس وعروسته وأهاليهم واصحابهم إن تامر حسنى جه وبارك وغنا بلا أى مُقابل".

ووصف تامر حسين صديقه قائلا:" ودى حركة بجد عُمرى ما ح أنساهالك ابو الذوق والواجب والجدعنة والإنسانيات ربنا يقدرك على كل الخير ويزيدك من وسع ياتيمو ومتشكر جداً جداً جداً جداً شرفتنى والله".

وعلق تامر حسني في التعليقات على المنشور قائلا:" حبايبك حبايبي يا تيمو .. و كفايه فرحتهم الجميله اللي شوفتها في عنيهم ربنا يسعدهم و يسعدك مهو إنت السبب و اللي قولتلي عليهم ... والله والله أنا ببقى نفسي أفرح الدنيا كلها لو وجودي هيفرحهم و يشهد ربنا إني على قد ما بقدر بعمل كده من يوم ما ظهرت .. حبيبي يا تيمو يا محترم شكراً على كلامك الجميل الراقي .. و مليون مبروك لصاحبك العريس الجميل مارڤن و عروسته الجميله ميرنا العمر كله في حضن بعض و تحت سقف واحد يارب".