48 ساعة على محاكمة عصام صاصا.. ماذا قال محمود الليثي عن التزوير؟

كواليس وتفاصيل قضية تزوير توكيل عصام صاصا، حيث تستعد محكمة جنايات القاهرة المنعقدة في زينهم لنظر أولى الجلسات في القضية المتهم فيها عصام صاصا وشقيقه محمد وطالب وموظف بالتزوير في محرر رسمي.
3 قرارات من النيابة في انهيار عقار سكني شمال الجيزة
سميرة في دعوى خلع: عانيت 7 سنوات من طلبات زوجي غير المألوفة
تهشم 20 سيارة.. قرار عاجل من النيابة في حادث الطريق الدائري
ديلر الصف يعترف بكواليس سقوطه ب"85 كيلو حشيش" في فخ الشرطة
تحقيقات قضية تزوير عصام صاصا
وقبل 48 ساعة من محاكمة عصام صاصا وآخرين في اتهامهم بالتزوير في محرر رسمي - توكيل عام قضايا خاص بمطرب المهرجانات - ينشر موقع صدى البلد نص أقوال المطرب محمود الليثي في تحقيقات نيابة جنوب الجيزة في القضية.
قال محمود الليثي في تحقيقات قضية عصام صاصا، اللي حصل أن أنا كنت لسه مخلص حفلة واتصل بيا حد في المجال وقالي ألحق عصام صاصا عامل حادثة وخبط واحد وجريت عليه على الدائري.
محمود الليثي
وتابع الليثي: لما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي وعياله في رقبتي ليوم الدين ومرضيش يمشي وشيلنا المتوفي في الإسعاف وروحنا قسم الطالبية.
واستكمل محمود الليثي، لما روحنا عصام اتعرض على النيابة وخد إخلاء سبيل من القسم، وبعدها عصام صاصا كان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة دي.
وتابع: بعدها بيومين أو ثلاثة لقيت معاذ مدير أعمال عصام صاصا كلمني وقالي أن في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا في شارع البحر الأعظم وقعدت معاه أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام وده كل اللي حصل.
س/ متى واين حدث ذلك؟
هي الحادثة حصلت يوم 6 مايو على الطريق الدائري في اتجاه السياحي وروحنا قسم الطالبية وبعدها روحنا مكتب المحامي بعد ما سافر عصام صاصا بيومين أو تلاتة مش متذكر تحديدا.
س/ ومن كان برفقتك آنذاك؟
كان معايا صديقي سيد ساعتها.
عصام صاصا
س/ ما سبب ومناسبة تواجدك في المكان؟
أنا روحت لأنهم بيعتبروني أخ كبير لعصام صاصا.
س/ ما هي علاقتك ب عصام صاصا تحديدا؟
هو عصام صاصا أنا اتعرفت عليه في فيلم حمص وحلاوة وكان بيمثل دور وبيغني معايا وكان ولد جدع وغلبان فأنا اتصاحبت عليه وبقيت زي أخوه الكبير وبياخد رأيي في أي حاجة.
س/ منذ متى بدأت تلك الصداقة؟
من أواخر سنة 2023 تقريبا في شهر 9.
س/ هل تلك العلاقة قصيرة المدى تجعلك تتوصل له في تلك الأمور؟
أيوة عشان هون واد جدع وطيب وغلبان.
محمود الليثي
س/ ماهي ظروف تقابلك مع المدعو محمد مصطفى حمودة؟
هو اللي حصل أنه كلمني معاذ وكيل أعمال عصام صاصا وقالي أنه عايز مني أقابل المحامي ده عشان أتفق معاه على الأتعاب بس.
س/ ولما قام سالف الذكر بالتواصل معك تحديدا؟
عشان عصام ساعتها مكنش أحسن حاجة بسبب الحادثة والعربية بتاعته ادمرت وبصفتي أخ كبير له طلبوا مني أتوجه للمحامي عشان يقبل القضية وعشان اسيب له جزء من الأتعاب وبعدها عصام يبقى يدهالي لما الدنيا تبقى كويشة معاه.
س/ وهل توجهت للمكتب سالف الذكر؟
أيوة روحت وخدت معايا صاحبي سيد.
س/ من هو المدعو سيد؟
صديقي ليا ولعصام ومتكلمش نهائي في القعدة.
س/ ما هي الحالة التي قمت بالتقابل مع محمد حمودة؟
لما وصلنا قعدنا في الانتظار عند السكرتارية وبعدين دخلنا في مكتب تاني وقعدنا معاه.
عصام صاصا
س/ ما هي الفترة الزمنية المستغرقة في المقابلة؟
كانت حوالي ربع ساعة تقريبا.
س/ ما هو الحوار الذي دار بينكما؟
هو اتفق معانا على الماديات والأتعاب بس وكانت حوالي 2 مليون جنيه.
س/ ما التصرف الذي بدر منك؟
خدت أستاذ سيد ومشينا واتصلت بمعاذ قولت له الراجل وافق على القضية مقابل 2 مليون جنيه.
س/ هل المحامي كان على علم بوجود عصام صاصا في الخارج؟
أنا معرفش يعرف ولا لا بس القضية كانت مشهورة في الإعلام.
س/ هل قدمت أي مستندات تتعلق بالقضية؟
لا مكنش معايا أي مستندات ومكناش رايحين عشان كدة أنا رايح عشان الاتفاق المادي بس.
س/ ما قولك بما ثبت بتقرير أبحاث التزييف أن البصمة والتوقيع على توكيل عصام صاصا لشخص آخر؟
أنا معرفش حاجة عن التوكيل ده.