والدة ضحية أوسيم: صديق عمره خلص عليه بدم بارد| فيديو

كشفت والدة سيد بركة، الذى قُ تل على يد صديقه "حسام" بمنطقة أوسيم فى الجيزة، تفاصيل جريمة ق تل نجلها فى لقائها مع صدى البلد.
نفت والدة المجنى عليه علاقته بفتاة تدعى رحاب وهى خطيبة صديقه حسام "القاتل"، مؤكدة أنه كانت هناك مشاكل بين حسام ورحاب، حتى طلب حسام من سيد "المجنى عليه" أن يصلح بينهما.
وقالت والدة المجنى عليه ان نجلها صديق للمتهم طوال عمرهما، حتى ان حسام "القاتل" كان يعمل مع نجلها سيد فى المغسلة التى يملكها بالمنطقة.
وأضافت أن المشكلة بدأت عندما تلقت رحاب تهديدات من حسام بعد فسخ خطوبتهما ، مما دفع والد رحاب للاتصال ب سيد وطلب منه ان يأخذ رحاب للسجل المدنى بأوسيم لإنهاء بعض الاوراق.
وبالفعل اصطحب سيد الفتاة رحاب للسجل بأوسيم وأثناء عودتهما معا شاهدهما حسام فظن ان سيد سيتقدم لخطبة رحاب.
وأضافت والدة سيد ان حسام فى نفس اليوم طلب من سيد ان يذهب معه فى مشوار بأوسيم وبالفعل ذهب سيد معه وقام حسام بارتكاب جريمته فى الطريق وشنق نجلها .
ومن ناحية اخرى يواصل موقع صدى البلد نشر نص اعترافات قاتل صديقه في الجيزة، في القضية التي حملت رقم 8584 لسنة 2024 جنايات قسم أوسيم، والمتهم فيها حسام صابر خليل باستدراج صديقه إلى منطقة زراعية في البراجيل بالقرب من محور الضبعة في الجيزة.
تحقيقات نيابة شمال الجيزة مع قاتل صديقه في البراجيل
وقال المتهم بقتل صديقه في الجيزة: بعد ما اتخانقنا قام سبلي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض لغاية من قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الظباط كانوا بيتكلموا معايا وسألوني كتير أوي فرُحت قلتلهم كل حاجه والحقيقه اللي لسه حكيها دلوقتي وجابوني على النيابة النهاردة الصبح وهو ده كل اللي حصل بالظبط.
س : متى وأين حدث ذلك تحديدا؟
أنا خاطب رحاب بقالي 3 شهور من بداية شهر 12 السنة اللي فات ورحاب نزلت البوست بتاع فسخ الخطوبه الأسبوع اللي فات علطول، وخناقتي معاه وشتيمتنا لبعض واليوم اللي مات فيه كان يوم السبت الموافق 2024/3/2 بالليل بعد الساعه 10 العاشرة مساء بطريق محور الضبعه الرئيسي منطقة الزيدية على طريق كله تراب (ترابي) جنب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم وقلت كل حاجه لما ظباط المباحث في المركز قعدوا يتكلموا معايا كان يوم الأحد الموافق 2024/3/3 بعد أذان الظهر علطول بأوسيم في الجيزة.
اعترافات قاتل صديقه في الجيزة
س: من كان برفقتك تحديدا؟
أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
محمد بشير ده عيل صغير عنده 12 سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
س: ما صلتك بالمدعوة رحاب رشدي عبد العاطي تحديداً؟
دي كانت خطيبتي لغاية الأسبوع اللي قبل ما شهر 3 يبدأ.
س: وما سبب وعلة نهو تلك الخطبة تحديدا؟
معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
أقوال قاتل صديقه في الجيزة
س: وعلى أي شيء يحوي ذلك تحديدا؟
لقيتها كاتبة تم بحمد لله فشكلة خطوبتي.
س: وما التصرف الذي بدر منك حيال ما عملته تحديدا؟
رنيت على رحاب رشدي أشوف ايه اللي حصل وليه كتبت كده.
س: وهل استجابت لهاتفك تحديداً آنذاك؟
لا لقيتها حاطة تليفوني على بلاك ليست.