لو اتحكم للزوجة بنفقة وهي رافعة دعوى خلع.. أعمل إيه؟

في حالة الحكم للزوجة بنفقة وهي رافعة دعوى خلع أمام محكمة الأسرة يقوم الزوج برفع دعوى كف نفقة زوجية.
وقفت "وفاء"، سيدة ثلاثينية، أمام محكمة الأسرة في مصر الجديدة، طالبة الخلع من زوجها بسبب إهانته لها لعدم قدرتها على توفير احتياجات المنزل كونها لا تعلم طرق الطبخ، ولجأت إلى الأسرة لحل الأمور وحينما فشلت قامت باللجوء للمحكمة.
اقرأ ايضًا :
لو عايز تلتحق بكلية الشرطة السنة دي| اعرف الإجراءات وطريقة معرفة نتيجة الاختبارات
نظر دعوى تحديد عيد للأب في مصر.. غدا
محاكمة عاملة نظافة أنهت حياة ابنتها في حلوان.. غدًا
السبب 17 تروسيكل .. قرار عاجل بشأن عاطليَن في بولاق أبو العلا
وفاء تطلب الخلع من زوجها والسبب الحلويات
سردت وفاء قصتها مع زوجها قائلة «أنا متجوزة من حوالي سنتين ونص لما كان عمري 26 سنة وكل شوية إهانة ويقول عليا فاشلة وكل ده عشان مش بعرف أعمل حلويات في البيت لا كيكة ولا بسبوسة ولما حاولت اتعلم اتريق عليا قدام أهلي وأهله وشكلي بقى وحش وكنت مكسوفة».
وتابعت وفاء في قصتها مع زوجها «محمود اتقدم لي من حوالي 4 سنين عشان يتجوزني وأهلي وافقوا على الجواز واتخطبنا على أننا نتجوز في خلال سنة لكن حصل ظروف والجواز اتأجل 6 شهور، وبعدها عملت فرح الناس كلها حضرته وكان حلو وفي بداية الجواز كانت الأمور طبيعية».
وفاء: جوزي بيتريق عليا عشان مش بعرف أعمل حلويات
أكملت وفاء في قصتها مع زوجها «بعد حوالي 9 شهور من الجواز كان بيطلب مني أعمل حاجات حلوة في البيت وكنت بقوله أنا مش بعرف خلينا نشتريها من برا عشان الحاجة ماتبوظش ويقولي حاولي ولما أحاول يروح يتريق عليا عند أهله وأهلي ويقول ولا بتعرف تعمل أي حاجة ولا بتعرف تعمل أكل».
وأكملت وفاء: «تعبت من طريقة التريقة والهزار بتاعه قدام أهلي ومنظري قدام أهله وكل شوية يقولي اتعلمي حتى كنا بناكل برا في الشارع والمحل كان زحمة وقدام الناس بصوت عالي قالي اتعلمي تعملي اي حاجة حلوة شايفة الأكل الناس كلها بتعمل وأنتي فاشلة وأنا مستحملتش».
وفاء في المحكمة: زهقت من الإهانة
واختتمت وفاء قائلة «في النهاية أنا تعبت منه وقولت أنا مش هستحمل وروحت بيت أهلي وحاولت معاه لكن هو زي ما هو لا أهله ولا أهلي عرفوا يحلوا ويغيروا من طريقته وطلبت من الإنفصال في هدوء لكن هو موافقش روحت محكمة الأسرة عشان أرفع قضية خلع».