بمناسبة عيد الحب.. شارموفرز تطرح أغنية "على بالي"| فيديو

طرح فريق شارموفرز على اليوتيوب، وجميع المنصات الرقمية، ومحطات الراديو، بمناسبة عيد الحب، أحدث فيديو كليب لأغنية جديدة بعنوان "على بالى"، ودارت فكرته فى إطار بسيط، عبر عن معنى كلماته، التى تصف حال شاب التقى بفتاة جميلة بطريق الصدفة، فجذبت انتباهه بملامحها البريئة، وطريقتها العفوية، فغيرت حياته، ولمست مشاعره، وصورتها لاتفارق خياله، وأصبح لايستطيع العيش من غيرها.

أغنية "على بالى" من كلمات أحمد بهاء ومحمد الشافعى، وألحان أحمد بهاء، وتوزيع موسيقى محمد العرقان، ومن إخراج عمرو شعلان بشركة "بيج كات" ومن إنتاج فريق شارموفرز، وتوزيع شركة "ديجيتال ساوند.. وتقول كلماتها:..
انتي بتخليني أشوف الحلم فى الحياه
زي مانتي متخليش الدنيا تغيرك ده الجمال
شوفتك فى عز الإنبهار من غير ميكاب و سشوار
ملامحك بريئة و ليكى طريقة عفوية و ده الإنبهار
بسيطة عارفة قيمة جمالك قلبي
سابني وراح ندالك من يومها معرفش مالي
بتيجى على بالي صورتك قصادي طول الليل
اتشقلب حالي طب ينفع اشوفك يوم تاني
مش عارف اداري و معاكي نفسى اعيش تفاصيل
احكيلك مالى و هقولك على احلامي
ليه ؟ من زمان معرفتكيش انا كنتى حليتيلي كذا مشكلة
ياااا لو كنتي هنا بس انا بنسى حياتي المؤلمة
كل مابفكر اننا ممكن فى يوم نبقى سوا
حاسس بكل اختصار انك أهم اختيار
اول ما شوفتك حقيقى غيرتي طريقي و شقلبتي الافكار
مش عايز حاجة غير اكون معاكي شايف فى وجودك علاجي
وعمري قبلك كان فاضي بتيجى على بالى صورتك قصادي طول الليل
اتشقلب حالي طب ينفع اشوفك يوم تاني
مش عارف اداري و معاكي نفسي اعيش تفاصيل
احكيلك مالي و هقولك على احلامي
بتيجي على بالي بتيجي على بالي