بتدافع عن اسم بلدك.. أحمد حسن يوجه رسائل نارية ل منتخب الشباب

أكد أحمد حسن قائد منتخب مصر السابق أن منتخب مصر للشباب يحتاج لدعم الجماهير في بطولة كأس الأمم الأفريقية تحت 20 عاما التي تستضيفها مصر.
وقال أحمد حسن في المؤتمر الصحفي لانطلاق البطولة اليوم: "سعداء أن تُقام بطولة كأس الأمم الإفريقية للشباب في مصر، ونرحب بالجميع، وأي حدث يقام فى مصر الكل يتكاتف من أجل نجاحه، والتنظيم سيكون على أعلى مستوى".
وأضاف أحمد حسن: "منتخب مصر عنده هدفين الفوز بالبطولة، والوصول إلى كأس العالم، فيه مجموعة لاعبين مميزين على أعلى مستوى، فيه لعيبة كتير بتلعب دوري ممتاز، ودي نقطة كويسة، أنا قعدت مع اللعيبة، قلت لهم: أنتو بتدافعوا عن اسم بلدكم، وده بيديكم حافز، واحنا لازم ندعمهم، وإن شاء الله يفاجئونا، ويقدموا بطولة كويسة".
راجع نفسك .. دونجا الزمالك يوجه رسالة ل زيزو بعد تعادل المريخ
طالب بإبعاد زيزو.. نجم الزمالك السابق: «المريخ لو عنده مهاجم كان خلّص»
أحمد حسن يوجه نصيحة لمنتخب الشباب
وتابع أحمد حسن: "كل واحد موجود لازم يعرف قيمة تيشيرت منتخب مصر، الناس أما بتشوفك؛ بتعمل أقصى حاجة عشان يكونوا راضيين عنك، لأن النتيجة بتاعت ربنا، نصيحتي كل واحد يقدم أفضل حاجة عنده".
وأكمل أحمد حسن قائد الفراعنة السابق: أما كنت كابتن منتخب مصر خدت خبرات كتير، لازم اللعيبة تفضل متجمعة مع بعض ويتكلموا على أهمية البطولة ويتكلموا إننا عاوزين نكسب ونروح كأس عالم، لازم يوسف حسن يكون حريص على روح الفريق".
وواصل أحمد حسن: "معرفش قوة فرق المجموعة بتاعت المنتخب، لكن دائما اللاعب المصري في السن ده مختلف، معتقدش هتبقى فروقات كبيرة لو اللاعيبة لعبت بروح وبقلب".
واختتم قائد أحمد حسن منتخب مصر السابق: "كان فيه منتخبات أحسن مننا في إفريقيا بس احنا كنا أفضل بروح اللاعب المصري".