معملش أكتر من كدا.. أقوال ضحية واقعة تحرش في مدخل عمارة

أحالت جهات التحقيق المختصة المتهم بهتك عرض جارته المجني عليه ، إلى محكمة الجنايات وجاءت اعترافات الضحية كالاتي:
نص أقوال الضحية :
س/ ماهي تفصيلات ماحدث ؟
ج/ اللي حصل إني كنت نازلة من البيت ورايحة الشغل وبعد ما نزلت من الاسانسير كان في واحد واقف عند سلالم المدخل قبل باب العمارة من جوه ، ومميل أكنه بيربط الكوتشي، وأنا عديت عادي ورايحة ناحية باب العمارة علشان افتح الباب واطلع من العمارة فوجئت بيه جه من ورايا وحط ايده على بوقي بقماشة سودا وايده التانية مسكني بيها من جسمي وكان بيشدني ليه وانا فضلت اقاوم فيه ولما حس اني خلاص هفلت منه لاني فتحت باب العمارة وهو عمال ماسك فيا علشان مطلعش فخاف وجري وطلعت وراه لكن ملحقتوش ومكنش في حد في الشارع وروحت بعدها على القسم عملت محضر وهو ده كل اللي حصل .
س / هل لمس الجزء الاسفل ؟
ج / هو ضهري كان هو شاده ناحيته ولامسه وكان متحكم في الجزء الأعلى كله أكني جواه وانا كنت بحاول أهرب لأن مكنش قدامي غير رجليا اللي عارفة اتحكم فيها ومن الموقف مخدتش بالي إذا كان لامس الجزء اللي تحت ولا لأ .
بتفرج على أفلام إباحية..جارتي جديدة ومقدرتش أقاوم..اعترافات طالب متهم بهتك عرض سكرتيرة
س / وهل أفعال ذلك المتهم انصرفت لملامسة أماكن العفة بجسدك ؟
ج / أيوة
س / وضحي ذلك ؟
ج / هو كان حاطط ايده الشمال على صدري ولما كان بيشدني ليه لورا كان كل ضهري هو لامسه وانا بحاول اهرب منه .
س / ألم تتمكني من الإستغاثة بأحد حينها ؟
ج/ لا مكنش في حد
س/ وما الذي أعقب ذلك ؟
ج/ هو أول مافتحت باب العمارة هو حس بخوف وسابني وجري
س/ هل تعدت أفعال المتهم حينها ماذكرتيه من أفعال ؟
ج/ لا هو اللي عمله ده بس اللي انا قلت عليه .
س/ أكان مرتدياً كامل ثيابه أم كان قد حسرها أو بعضها عنه ؟
ج/ لا كان لابس هدومه كلها .
جاء بأمر الإحالة أن المتهم هتك عرض المجني عليها بالقوة بأن اعترض طريقها اسفل مدخل العقار الذي تقطن مستخدما لقطعة من القماش أطلقها على فمها قاصدا من ذلك شل مقاومتها ثم باغتها ، وقام بملامسة إحدى مناطق عورتها (نهديها) دون رضاها متجهةً إرادته الى التوغل في أعمال الفُحش والحصول على علاقة جنسية.