تعليق ناري من شوبير على خسارة مصر أمام المغرب وتوديع أمم أفريقيا

علق الإعلامي أحمد شوبير حارس مرمى الأهلي السابق على خسارة منتخب مصر للناشئين مواليد 2006 أمام المغرب وتوديع تصفيات بطولة أفريقيا.
بشرى سارة .. قناة عربية تعلن بث مباريات كأس العالم قطر 2022
فيتوريا يدرس الدفع بنجم الأهلي أساسيًا أمام بلجيكا.. تفاصيل
وخسر منتخب مصر مساء الاثنين أمام المغرب بنتيجة 2-1 ليخسر فرصة الوصول لنهائيات كأس الأمم الإفريقية للناشئين والمؤهلة إلى كأس العالم.
وقال أحمد شوبير : «أنا قولت بعد مبارة تونس منتخبنا مش حلو، والأداء مش حلو، والفريق غير منظم رغم فوزنا يومها على تونس 3-1».
وتابع أحمد شوبير : «خسرنا إمبارح من المغرب اللي كان بيكفيها التعادل للتأهل بعد فوزها على ليبيا وتونس، وبتفرج على المباراة فين عمر سيد معوض، فين عمر خضر، فين حسام عادل، كلهم على دكة البدلاء.. وبعد الدفع ببعض البدلاء في الشوط الثاني جبنا جون وحارس المغرب أنقذ كرة صعبة جدا من أمير أيمن عبدالعزيز اللي سجل هدف مصر الوحيد قبلها برضه».
وانتقد شوبير حكم المباراة مضيفا: «المباراة أدارها حكم لم أجد له مثيلا في حياتي على الفريقين مش فريق واحد هو حكم ضعيف جدا».
سر اشتباك جنش مع أحمد رفعت في فيوتشر
ضاق صدره.. محامي عبدالله السعيد يكشف سبب تصريحات اللاعب ضد الأهلي.. فيديو
وأوضح شوبير : «قُصر الكلام خسرنا من المغرب، قصر الكلام خرجنا من البطولة، قصر الكلام مش هنوصل كأس العالم للشباب، قصر الكلام كنا وحشين قوي رغم إن المنتخب ده لعب مباريات ودية كتيرة جدا منذ بداية تكوينه منذ عام وشهرين تقريبًا».
وأضاف :«في النهاية شكل منتخبنا وحش، فيه حاجة غلط .أنا بتكلم على المستقبل وعمري ما ههاجم لاعيبة ولا مدرب، والولاد كتر ألف خيرهم وممكن من المعاناة دي تخلق جيل كويس وممكن نخسر بس يبقى عندك جيل كويس».
واختتم حارس مصر السابق :«اللي عايز أقوله هو إيه الأسس اللي بتختار عليها المدرب والأسس اللي بيختار عليها المدرب اللاعبين لازم نشتغل على منتخب يكون من تصنيف المنتخبات الخمسة الأوائل في إفريقيا من دلوقتي».