سماح أنور: لا أشرب المياه في مصر وأنا مع التدخين

تصدرت الفنانة سماح أنور، محرك البحث جوجل، بعد عدة تصريحات نارية اجتاحت مواقع التواصل الاجتماعي السوشيال ميديا، أطلقتها خلال تصريحات تلفزيونية عبر برنامج كلام الناس، المذاع عبر قناة ام بي سي مصر، نرصدها في سياق التقرير التالي :
الدور مش شبهي.. سماح أنور تكشف تفاصيل مشاركتها في الليلة واللي فيها

أنا مع التدخين
بدأت الفنانة سماح أنور، حوارها بعدة تصريحات عن حياتها الخاصة، وذهابها لتدخين السجائر، قائلة :"أنا مبدخنش سجاير مصرى، وأكتر ناس بتدي نصائح مبيعملوش بيها وكدابين، وأنا مع التدخين ولكن بشرط ميكونش فيه ضرر كبير على الشخص"، مضيفة أن المجتمع منغلق انغلاق غير مسبوق لذلك لا يتقبلون فكرة التدخين.


مبشربش مياه في مصر
كشفت الفنانة سامح أنور، تفاصيل خاصة عن أزمتها الصحية مع شرب المياه، قائلة :"كل لما أشرب المياه بتعب، علشان كده بقيت أشرب مشروبات غازية زيرو سكر، ونسكافيه، وقهوة، وكل الخضراوات، والفواكه اللي فيها مياه، وبقالى 17 سنة مبشربش مياه خالص، وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".


الناس بتسألني هو إنتي ليه مسترجلة

ذهبت الفنانة سماح أنور، في تصريحاتها لما يطلق عليها بأنها امرأة مسترجلة، قائلة :"الناس بتسألني هو إنتي ليه مسترجلة؟، أنا ست رياضية، وبحب السينما المختلفة، وكل اللي الناس اللي أطلقت عليا لقب مسترجلة قالوا الكلام ده من منظور لبسي في دور معين عشان كده بفرح لان اللي يقول كده يبقي صدق الدور".
بعد تصريحات سماح أنور المثيرة للجدل...مفاجأة غير متوقعة عند تناول المياه
سماح أنور: لا أشرب المياه لهذا السبب.. وبفرح بلقب مسترجلة
وأضافت سماح أنور، منفعلة :"هو مسترجلة يعني إيه بحلق دقني الصبح؟ تفسير الكلمة نفسها أنا مش فهماه، أنا مفيش دور عملته بيمثلني لغاية دلوقتي خالص ومش هعمل كده، أنا بحب الاختلاف مع إني كسولة ولكن عندي أحلام وأفكار".