الرئيس السيسي: بقول لكل من شكك في الدولة.. انظروا لقناة السويس الجديدة

قال الرئيس السيسي، إنه تم توفير حوالي 30 مليار جنيه لتمويل القطاع الجنوبي من قناة السويس، معقباً: "حدث كلام كبير في ذلك الوقت، وكان يقال إن الدولة بتعمل إيه؟ وشككوا فينا".
ضحكنا.. الرئيس السيسي عن المشككين: مالكوا خايفين تجيبوا الكلام ليه
الرئيس السيسي: بقول لكل من شكك في الدولة.. انظروا لقناة السويس الجديدة
وأضاف "السيسي" خلال كلمته في فعاليات تدشين الوحدات البحرية الجديدة لهيئة قناة السويس، قائلاً: "ديه كانت الفرصة ل اللي عايز يدافع ويتكلم عن حالة الإساءة والتشكيك للدولة وخفض روح معنوية شعبها .. ده المثال قدامكوا واضح مش محتاج ان احنا نفكر فيه كتير".

وتابع أن دخل قناة السويس كان 4.8 و5 مليار قبل قناة السويس الجديدة، ولكن بعدها وصل الدخل ل 5.5 و6 و7 مليارات، معقباً: "لو انتوا جبتوا الرقم اللي اتدفع في الوقت ده لعمل هذه التوسعات في القناة .. هتلاقوا إن إحنا وصلنا دخل أكبر منه خلال ال5 سنوات الماضية".

وأكمل: "أنا بقول الكلام ده لينا إحنا ك إعلاميين .. عايزين تتكلموا عن البلد، وتردوا على الناس اللى بيشككوا في البلد .. وبيطلقوا موضوع كأن الدولة ديه مبتفكرش ومبتدرسش وتشتغل بشكل عشوائي وكأنها مش عارفة حاجة في الدنيا وهما اللي عارفين .. لأ طبعاً".