هانى العقبى ساخرا: مرسي لازم يمشي "علشان إشترى 10 طائرات بدون طيار".. وبيهدد أمن إسرائيل..واستقل بالقرار عن أمريكا

سخر هانى العقبى نجم النادى الأهلى السابق من مطالبة جبهة المعارضة برحيل الدكتور محمد مرسي رئيس الجمهورية من منصبه وخروج الملايين الحاشدة بمختلف الملايين من أجل اسقاطه وجماعة الإخوان المسلمين كاشفا عن الاسباب التى دعته الى رفض الإطاحة بأول رئيس منتخب.
وقال العقبى عبر الصفحة الشخصية بموقع التواصل الاجتماعى "فيسبوك": "مرسي لازم يمشى لانه دخل الجيش قلب سيناء لأول مرة من 35 سنة وعشان بيدعم حماس والمقاومة ضد إسرائيل".
وتابع: "لازم يمشى عشان بقى ليك استقلال اكتر فى سياساتك وقراراتك بعيدا عن أمريكا وبتتجه للصين وروسيا والبرازيل وجنوب افريقيا وكل دول العالم..ولازم يمشى عشان قال لازم نملك غذاءنا ودواءنا وسلاحنا و طبعا مينفعش عشان تفضل تابع للغرب".
وأوضح العقبى أن مرسي "لازم يمشى عشان عمل تحالف مع تركيا واشترى 10 طائرات بدون طيار وده بيهدد أمن إسرائيل ولازم يمشى عشان مشروع قناة السويس لازم ميكملش بأى شكل من الأشكال لمصلحة إسرائيل ولازم يمشى لان فى عهده دفع ساويرس 7 مليار جنيه ضرائب وبيتفاوض مع كل الشركات لتسوية الضرائب وأسعار الأراضى إلى سرقوها أيام مبارك.
وأضاف أن الرئيس مرسي "لازم يمشى عشان بدأ يصنع سيارة مصرية وبيطور مصنع الحديد والصلب والالمونيوم واتصنع فى عهده أول تابلت مصرى وبدأ يصنع طائرات بدون طيار وبدأ فى إنشاء وادى التكنولوجيا فى الإسماعيلية وطبعا الدول الكبرى مش هتسمح أن بلد زى مصر تتطور فى الصناعات دى ولازم يمشى عشان خلال السنة مفيش واقعة فساد مالى أو أخلاقى ليه أو لأحد المسئولين.
طباعة