شيرين عن حسام حبيب: حبته عقربة ما تقوم منه هوا أكتر حد أذاني

كشفت الفنانة شيرين عبد الوهاب أن طليقها الفنان حسام حبيب تسبب في الأذى لها بعدما ظل يستفزها حتى قامت بحلق رأسها، قائلة "أنا أصريت فيما بعد على تقديم حفل وأنا حليقة الرأس حتى لا تتعرض بناتي لعقدة".
وتابعت "عبدالوهاب" خلال مداخلة هاتفية في برنامج "كلمة أخيرة" الذي تقدمه الاعلامية لميس الحديدي على شاشة ON: "تأذيت من نفسي أني طلعت أغني وشكلي كده بس أنا قوية وبتحمل ومكنش فيه حاجة ممكن أعملها عشان بناتي".
وواصلت : " لما رجعنا بعد الطلاق البائن نقض عهده وعاد لممارساته مرة أخرى وبدأوا البنات يشوفوا نفس الخناقات ونفس التصرفات وكان بيدخل في كل شيء وكل صغيرة وكبيرة لأنه إنسان فاضي معندوش شغل.
وأكملت : "كرهني في عيشتي وبناتي .. وقت حلاقتي لشعري هو السبب فيها جالي في فندق الفورسيزون وقتها وأتخانق معايا وصالحني وقلتله إمشي دلوقتي لحد ما أهدى لكنه أصر على البقاء وقلي إنزلي معايا دلوقتي للمأذون عشان نطلق وقلتله يعني أنا شيرين عبد الوهاب أبقى نازلة في أوتيل أنزل بقميص نوم عشان أتطلق .. طيب ماتروح ياعين أمك تجيب الماذون في الاوتيل أو تقف زي الرجالة وتقلي إنتي طالق وتمشي لكنه رفض وظل يستفزني لحد ماحلقت شعري بالماكينة".

وجددت الحديدي السؤال : إنتي بتحبيه ولا لا ؟ لتجيب ساخرة : حبته عقربه ما تقوم منه أنا في حياتي لم أتعرض للاذى من أي شخص مثلما تعرضت لذلك معه\.. ده إنسان قلبه إسود وفاضي وبيغتاب كل الناس ولو كنتي إنتي يا لميس صحبتي كان إتهمك أنك بتحاولي تفرقي بيني وبينه.