حفظ حق.. تفاصيل منع صاحب فضية أولمبياد طوكيو من دخول ستاد القاهرة

الأزمة في حفظ حقوق اللاعبين وتقديرهم دون تدخل وزير الرياضة، بهذه الكلمات انهى أحمد الجندي حديثه مع صدى البلد عندما تحدث عن أزمة اليوم بمنع دخوله ستاد القاهرة.
القصة الكاملة
فوجئ اللاعب أحمد الجندي بطل مصر وأفريقيا وصاحب فضية أولمبياد طوكيو في الخماسي الحديث صباح اليوم بمنعه من دخول مجمع حمامات السباحة بستاد القاهرة بسبب تعليمات أحد المسئولين وهو ماجعل الجندي يروي ما حدث عبر صفحته الرسمية على السوشيال ميديا كاتبا ( حصل موقف انهاردة عند مجمع حمامات السباحة بستاد القاهرة الساعة 6 الصبح وأنا داخل التمرين الأمن قال لي ان في تعليمات بعدم دخول العربيات للparking المخصص لحمام السباحة و لا حتى الركنة في محيط الباب الخارجي للجراچ يعني لو عايز تركن يبقى تروح تركن بعيد عن الباب بحوالي 100 متر
يعني انت محتاجلك حوالي من 10 ل 15 دقيقة عشان توصل لحمام السباحة نفسه بسبب مسافة ال parking الكبيرة أساسًا ف المهم بسأل الأمن ليه التعليمات ده قال لي أصل في "مسؤول" كان داخل حمام السباحة امبارح الثلاثاء "اتعطل 12 دقيقة"!!! فالدنيا اتقلبت و "المسؤول" قرر انه يعاقب الكل ان مفيش عربيات تدخل الparking اللي بياخد حوالي 200 عربية بدون عمل اي اعتبار ان دة لاعب منتخب و لا اي حاجة
ومش بس كدة لا، دة كمان محدش يركن في محيط الباب الخارجي أصلًا اللي هو انا بعاقبك انك هتدخل بشنط التمرين 15 دقيقة مشي الساعة 6 الصبح و تتأخر على تمرينك عشان "انا المسؤول" اركن مكان ال200 عربية.
يعني انا ابقى صاحي 5 الصبح و ورايا يوم طويل عشان اروح مكان التمرين اللي هو أصلا المفروض تبقى كل حاجة متسهلة فيه مش بنقول بقى دة موقف في الشارع ف طبيعي انه يحصل، و مع كامل احترامي الفكرة ان "المسؤول" ده المفروض انه عارف قد ايه ان اللاعب بيبقى الصبح صاحي مش شايف قدامه من قلة النوم او المجهود فبدل متيسرله تمرينه لا احنا نعطله أكتر.
أنا مش هربط الموضوع دة بموضوع "محمد الشوربجي" لاعب الاسكواش لإن المشكلة ده تعتبر نقطة في بحر و ممكن اي حد تاني يشوفها مش مستاهلة و لا اي حاجة لكن لا اي حد بيلعب رياضة بشكل محترف هيفهم النقطة في ان كل واحد فينا مبيصدق يلاقي حاجة تريحه يعني انا لو عليا كنت ركنت عربيتي مكان الstart بتاع حمام السباحة.
السؤال اللي كنت عايز اسأله هنا
حضرتك ناوي تفضل معاقبنا لحد امتى؟!)
وبالرجوع لوليد عبد الوهاب مدير عام ستاد القاهرة قال في تصريحات خاصة لصدى البلد :انه عقد جلسة مع الجندي لتوضيح الأمر وان المنع جاء بسبب وجود اصلاحات في المجمع وحرصا على عدم حدوث اي اتلافات لسيارات المتواجدين
وقال الجندي في تصريحات خاصة لصدى البلد وقبل كتابة بوست توضيحي اخر لانهاء الازمة : انه تلقى مكالمة من وزير الشباب والرياضة عقب كتابته عن منع سيارته من دخول المجمع بسبب تعليمات احد مسؤولي الاستاد وابلغه بانهاء الامر والازمة على الفور والغاء التعليمات بمنع دخول السيارات
وأضاف : مكالمة الوزير هي التي انهت الازمة ولا اعلم شيءٍ عن الاصلاحات بمجمع حمامات السباحة ، موضحا ان الازمة في عدم التقدير ادى لوجود ازمة لم تحل الا بتدخل وزير الشباب والرياضة
وكتب الجندي بوست جديد قائلا (تعقيبًا على ما تم نشره صباح اليوم بخصوص parking الستاد تواصل معي وزير الشباب و الرياضة هاتفيًا و ادارة الستاد و توضيح المشكلة "بغلطة" في التعليمات و اود ان اشكر الدكتور/ أشرف صبحي على اهتمامه و سرعة حل الموضوع.
و زي ما قلت ان المشكلة ده لا اربطها تمامًا بموضوع "محمد الشوربجي" و لكنها مشكلة شخصية و مش حابب تتكرر معايا تاني و مكنتش حابب اضيع حقي برضه لإن الموضوع بالنسبالي مش اني أحمد الجندي اللي جايب ميدالية أوليمبية و لكن بصفتي لاعب في المنتخب و نيابة عنهم كان لازم اتكلم عن اللي حصل و حابب أشكر كل الناس اللي اهتمت بالموضوع و ساعدوا في حله.)
وشدد الجندي على أن الأزمة هي حفظ حقوق جميع اللاعبين وليس لشخصه فقط ز

229E880D-EBD9-4247-888E-FD1BE4F33305 FF1AA049-3357-4EBB-A748-FA1E1E2DB307 A892755C-C49E-46B1-B92C-693077707E50 3C47DCD2-D1B6-43A4-8B84-3C50222D5E2B 0387685D-0D2F-4D19-B288-87BA5B87BC24 586629B3-12AC-4904-B77F-712C3332E44D