خالد عليش بعد الحكم برؤية طفلته: هل يريح الأم وأصحابها أني ماشوفش البنت

نشر الفنان خالد عليش، منشورا جديدا بخصوص قضيته مع طليقته، وذلك عبر حسابه الشخصي علي موقع التواصل الاجتماعي فيسبوك.

وكتب خالد عليش: "الحقيقة انا مبلم بقالي شوية من ساعة ما قريت ده ومش مصدق.. ده محضر معمول فيا من 12-2-2021 انا لسه مكتشفه بعيدا ان هو بيأكد صدق روايتي اني مش عارف اشوف بنتي بشكل سليم في الوقت ده وده اللي خلاني الجأ للعقد اللي بينا وعمل الزام بما فرضته نفسها علي نفسها والمحكمة حولته لرؤية في مركز شباب وبعدها روحت وما كملتش والقصة الطويلة العريضة في البوست اللي فات.. بس مش قادر اصدق ان ده محضر اتعمل فيا.. مش قادر افهم يعني ايه خدتها ومأكلتهاش.. يعني ايه ما اديتهاش الادوية.. يعني ايه ببعت اشخاص غريبة تجيبها.. يعني ايه بتاجر بصورها.. طب ليه عايز اشوفها ؟ طب ليه بعمل كل ده.. ده انا قلبت في الموبايل عشان اشوف في التاريخ ده يمكن فعلا عملت حاجة تضايق لقيت اني ماشفتهاش يوم 12 أصلا وبعدها بيومين جبتلها هدية عشان الڤلانتين.. في الاخر يتعمل فيا محضر ويتقال عليا الكلام ده من ورايا.. ليه كل ده ؟؟؟ !!! ؟؟؟ هل يريح الام وأصحابها اني اطنش وأكبر دماغي واسيب البنت وما اشوفهاش خالص.. بالمناسبة المحضر ده تم نشره عن طريق الام مش انا اللي عرفته لوحدي.. انا بجد مش مصدق وكإن في إصرار اني انا اطلع وحش وخلاص.. ربنا يهدي".

وكانت أصدرت محكمة الأسرة بمدينة 6 أكتوبر حكما لصالح الإعلامي خالد عليش بإلزام مطلقته بتمكينه من رؤية صغيرته منها لمدة 11 ساعة أسبوعيًا يوم الجمعة، بحسب شعبان سعيد محامي خالد عليش.
ترجع وقائع الدعوى إلى أنه بعد انفصال الإعلامى عن طليقته، أراد حل الأمور بطريقة ودية فحرر عقد اتفاق مع طليقته وأسرتها، قرر فيه التزامه بكافة نفقات ومصاريف الطفلة الصغيرة، مقابل السماح له برؤية ابنته بطريقة أدمية، وبعيدًا عن مراكز الرؤية.
وتابعت الدعوى أنه رغم التزام الإعلامى خالد عليش بتنفيذ ما تم الاتفاق عليه خلال العقد، إلا أنه فوجئ بمطلقته ترفض تنفيذ بنود العقد و تتحايل علي الية تنفيذه فاضطر الي اللجوء للمحكمة و التي بدورها أصدرت حكم رؤية في مركز شباب، وهو ما يضر به وبطفلته الصغيرة وحاول عليش جاهدا بعدم تنفيذه و الوصول لحل ودي مع الام بدون جدوى مما جعله يلجأ لمحكمة الأسرة مرة اخري و توضيح الامر لهيئة المحكمة.
تم تداول الدعوى أمام محكمة الأسرة بمدينة 6 أكتوبر، حيث حضر الإعلامي خالد عليش في جلسة الحكم، وتحدث عن معاناته وحرمانه من رؤية نجلته الصغيرة.
وقدم شعبان سعيد المحامى بالنقض ودفاع "عليش" خلال الجلسة ما يفيد بتسديد موكله لكافة النفقات والمصروفات الخاصة بالطفلة وبمدرستها الدولية حتى تاريخه، وفى نهاية الجلسة أصدرت المحكمة حكمها بما فرضته مطلقته بنفسها على نفسها، والزامها بتمكينه من رؤية صغيرته أسبوعيًا لمدة 11 ساعة يوم الجمعة.