شيري عادل: حنان مطاوع وريهام عبدالغفور أحسن الممثلات اللي بحب أتفرج عليهم

تحدثت النجمة شيري عادل خلال ندوتها في موقع صدى البلد عن بعض الممثلات المفضلين لها وعن اذا كانت تشاهد بعض الاعمال الأخرى غير أعمالها .
وقالت شيري عادل :" انا بتفرج وأوقات بتفوتني حاجات؛ فبرجع اتفرج عليها من بسبب الصدي الواسع اللي بسمعه ".
وأضافت :" بقول لا انا عايزه اتفرج عشان أوقات ببقي مسافره او بصور؛ أنا بحب زمايلي وبحب المنافسة".
تابعت : "لما كنا عاملين مسلسل الا انا كانت منافسه قوية وكانت قصص وبنات كثيرة و قصص نسائية".
اختتمت : "حنان مطاوع وريهام عبد الغفور من احسن الممثلات اللي انا بحبهم جدا وبحب اتفرج عليهم؛ وبحب أعيش فكره المنافسة".
شيري عادل تتحدث عن تراجع البطولة المطلقة النسائية في السينما:
تحدثت شيري عادل عن سبب تراجع البطولة المطلقة النسائية في السينما .
وقالت شيري عادل:"قالت ؛" زمان أيام أفلام الأبيض والأسود كان فيه بطوله نسائيه غير دلوقتي مع اني في كذا ممثله زي ياسمين عبد العزيز ومي عز الدين في ناس كتير حققوا فيها نجاح كبير جدا".
وأضافت :" هما موجودين بس مش كتير زي أيام زمان بس بيحققوا نجاح حلو اوي لو في قصه حلوه والناس عايزه تشوفها".
تابعت :" لو قدمت فنانة اللون الكوميدي هتنجح فيها واعتقد ان الفتره المقبلة هيكون في قصص نسائية ".
شيري عادل تتحدث عن علاقتها بوالدتها:
كشفت النجمة شيري عادل خلال ندوتها في موقع صدى البلد عن علاقتها بوالدتها وبالنجمة سلوى خطاب.
وقالت شيري عادل: "والدتي هي أقرب واحدة ليا في الدنيا ماليش غيرها مش باخد قرار غير لما بتوافق عليه حتي في الشغل أحيانا بنختلف ولكن لو حاجة عجباني مش بترفضها ".
وأضافت: "بقولها مش عاوزة أعمل الدور ده مش مقتنعة بيه أو أرفض التواجد وخلاص وبحترم الجمهور في اختياراتي".
وعن علاقتها بالفنانة سلوي خطاب قالت: "أستاذة سلوى خطاب نجمة كبيرة جدا كلنا بنتعلم منها واشتغلت معاها من قبل في مسلسل البيوت أسرار وكان الخط الدرامي مختلف عن بعضنا البعض".
تابعت: "ولكن اتعرفت عليها في اللوكيشن وبقينا أصحاب وسافرنا لبنان وهي ست عشرية جدا وبحب قعدتها ".

وحققت النجمة شيري عادل نجاحا كبيرا في مسلسلها أيام الذي يعرض حاليا علي قناة ام بي سي مصر .

مسلسل أيام بطولة شيري عادل وحورية فرغلي وسلوى خطاب و رياض الخولي و أحمد صفوت و مي القاضي وإخراج محمد أسامة.