سقوط ونفى واعتزال.. قصة تريند حمو بيكا فى 48 ساعة

أثار مؤدى المهرجانات حمو بيكا حالة من الجدل الواسع خلال 48 ساعاة الماضية بسبب ما تردد حول سقوطه على المسرح فى السعودية فضلا عن اعلانه الاعتزال وهو ما جعله يتصدر تريند جوجل.

ونرصد فى التقرير التالى حقيقة سقوط حمو بيكا على خشبة المسرح بالسعودية واعتزاله الغناء.

سقوط حمو بيكا
وكان تردد أن مؤدي المهرجانات حمو بيكا قد تعرض الى موقف محرج خلال إحياءه لحفل في السعودية، حيث تحطم المسرح أثناء وقوف حمو بيكا عليه خلال قيامه بالقفز والتفاعل أمام الجمهور ليسقط داخل المسرح.

نفى حمو بيكا
ولكن كشف الفنان حمو بيكا، حقيقة فيديو سقوطه من أعلى خشبة المسرح، والذي تداوله رواد مواقع السوشيال ميديا.

وقال بيكا خلال بث مباشر عبر انستجرام: « طالع اقول كلمتين للناس اللي مبتحبليش الخير، مسرح ايه اللي أنا وقع عليه، واللي كانت شغاله دي مزيكا اجنبي هو دلوقتي بغني اجنبي، أنا بخير وبسلامة ودلوقتي في السعودية وعندي حفلات هناك.

وتابع :«لقيت اخبار كثيرة، عشان تعرفوا أن الاخبار المصرية بتكدب يعني، هو مش كله، هم الناس اللي بتحب تشوشر على الدنيا وخلاص، وانا بسلامة وبخير، ومش كنت انا اللي في الحفلة دي، ومش أنا وهم بيقولوا بيكا في دبي، أنا في السعودية عندي حفلة هناك»

واستكمل :«حبيت أوجه رسالة لكل الناس اللي اطمنوا عليا شكر ليكم وبحبكم، وعايز أوجه رسالة للناس اللي بتنفسن عليا وبتبص على عيشة الناس التانية واللي يبص على عيشة الناس تحرم عليه عيشته، واللي بيتكلم عليا كلمه وحشه، هتقعد لعياله ، واللي بيتكلم عليا في الخير بتمنالك كل الخير».

واختتم :«انتظروني غدا مع الشيخ محمد الشماسي في السعودية، أول فرع لبيكا في السعودية وفي دول الخليج في الرياض وجدة، وانتظروا أغنيتي مع عمر كمال ونور التوت في أغنية جديدة، واغنية جديدة مع حمادة الاسمر، وسنة سعيدة عليكم بخير، و2022 سنة سعيدة على كل الناس والمسلمين والمسيحيين وأمي ومراتي وسنة سعيدة عليكم»
شوشرة وخلاص.. حمو بيكا يكدب خبر سقوطه من على المسرح.. فيديو
سقط داخل المسرح.. حمو بيكا يتعرض لموقف محرج في السعودية| فيديو
اعتزال حمو بيكا
وعلى جانب أخر كان قد خرج حمو بيكا في بث مباشر من خلال صفحته على فيس بوك، حيث أبدى مؤدي المهرجانات استيائه من عدم وصول أغنيته الجديدة إلى الجمهور وتحقيق مشاهدات ضئيلة جدًا معبرًا بلغته وأسلوبه الدارج: « الآنسة سوزان اللي ماسكة اليوتيوب فيه حاجة غلط في اليوتيوب .. بقى أنا أنزل تراك من يومين لحد دلوقتي يجيب 11 ألف بس .. أول مرة يحصل معاية كدة .. أنا ممكن أبطل الشغلانة دي على كدة ».

وقال بيكا: « احنا بنغرق وانتو مش حاسين بحاجة .. في مصيبة والحقوووونا .. ياعم مارك شوفلنا حل . أنا ممكن أسيب اليوتيوب خالص وأنزلكم التراكات على الفيس بوك .. فيه لعنة على اليوتيوب ».