مش فنان وبيقلد أحمد زكي طول الوقت.. حنان شوقي تُهاجم محمد رمضان

قالت الفنانة حنان شوقي، إن الفنان أحمد زكي أقوى فنياً وتمثيلياً من الفنان عادل إمام، بينما الفنان عادل إمام يمتلك كاريزما ربانية، معقبة: "ربنا مدهاله.. إنه لو عمل أي حاجة بتكون حلوة".
وأضافت حنان شوقي، خلال لقائها مع برنامج "نص الكلام" المُذاع على فضائية "النهار"، أن الفنانة يسرا أفضل فنانات جيلها، معقبة" يسرا ذكية ومن الستات القوية في الحياة، وبتعرف تعدي حواجز كتيرة في شغلها .. عاملة زي الفرسة التي بتنط وتعدي الحواجز من غير ما تحسب أي حاجة".
ونوهت الفنانة أن الفنانة تارا عماد لديها الذوق الخاص بها، معقبة: "لذيذة وروشة"، مضيفة أن الفنان كريم عبد العزيز هو "نمبر وان" وليس محمد رمضان.
وعقبت حنان شوقي قائلة: "لما شوفت كريم عبد العزيز بيمثل في رمضان، حسيت إن نور الشريف لسة مامتش، ولا أحمد زكي مات .. كريم عبد العزيز بيشيل الوسط الفني على ايديه .. الوسط الفني تقيل ب كريم عبد العزيز".
وتابعت الفنانة قائلة: "أنا مش بتابع أي حاجة ل محمد رمضان، لأنه مش صادق .. وعلى الرغم من إن عنده كاريزما إلا أن هو اللي بيبوظ نفسه .. لأنه طول الوقت بيقلد أحمد زكي حتى في بلعان الريق".
وأردفت حنان شوقي قائلة: "بكره محمد رمضان لأني مبحبش الإنسان اللي بيجور على انسان آخر .. وياخد بونت على السوشيال ميديا، ويضيع حياة بني آدم تاني .. ده مش اسمه فنان".
واستطردت الفنانة: "لو اتطلب مني أشتغل مع محمد رمضان، مش هشتغل معاه حتى لو إدوني ملايين الملايين .. لأنه هو اللي بيعمل كده في نفسه .. وبيصعب عليا .. لأن الغرور ساعات مش بيخلي صاحبه يعرف يتحكم فيها بعد كده".
وتابعت حنان شوقي قائلة: "خليه ينزل يشوف الجمهور بيقول عليه إيه .. خليه يقعد مع ابن الطيار بس".
واتمت الفنانة: "أنا بحب محمد رمضان البني آدم .. بس بكره أفعال محمد رمضان".