كشف الموسيقار حلمي بكر عن رأيه فى الأزمات التى فجّرها مؤخرًا عدد من مغنيي المهرجانات ولعل آخرها الأزمة بين كل من رضا البحراوي وحسن شاكوش، والتراشق الذى حدث بينهما خلال الساعات الماضية عبر مواقع التواصل الإجتماعى. وأكد بكر فى تصريحات خاصة ل صدى البلد ، بوجه عام البلطجة فى الفترة الراهنة أصبحت تسود الحفلات ، مؤكداً انه تنبأ بهذا الأمر منذ فترة طويلة.
وأضاف قائلاً : لن تقوم للأغنية المصرية قائمة فى زمن البلطجة، خاصة الجيل الجديد أصبح يردد أغانى المهرجانات.
واستكمل حلمى بكر: منع تلك الأغانى ليس الحل، لأن المنع سيزيد من الإقبال عليها، ولابد أن نعيد بكثرة إذاعة نجوم الطرب الجميل حتى يشعر المشاهد بالفارق، وأن نقدم جيلا جديدا من الفنانين ينتمى إلى الأغانى الطربية ، وأن تهتم القنوات التليفزيونية بإذاعة أغانيهم.
ويضيف الموسيقار حلمي بكر "ما يقدم الآن ما هو إلا كلام رخيص مليء بالإيحاءات الجنسية".
خلاف بين حلمي بكر ومدحت العدل حول أغاني المهرجانات.. فيديو يا خرابة يا ابن ال.. أيمن بهجت قمر يهاجم حسن شاكوش.. شاهد
بداية الأزمة :
تداول رواد مواقع التواصل الإجتماعي فيديو للمطرب الشعبي رضا البحراوي أثناء حفلته في الساحل الشمالي وهو يوجه كلمات على المسرح للمطرب حسن شاكوش بعد اشتباكه مع فرقته الموسيقية.
وقال رضا البحراوي أثناء المقطع :" شاكوش فين.. مشي.. كنت عايزه والله .. بس للأسف خد بعضه وجري".
بدأت الأزمة عندما تفاجأ حسن شاكوش بوجود فرقة رضا البحراوي على المسرح ، رغم أن فقرة حسن شاكوش أولا ثم رضا البحراوي.
وتمسك حسن شاكوش بضرورة نزول فرقة رضا البحراوي من على المسرح ، وهو ما حدث بالفعل ولكن مع حالة غضب عارمة من الفرقة ، قرر أفرادها العودة إلى المسرح أثناء غناء حسن شاكوش. وتسبب هذا الأمر في حدوث حاله احتقان شديدة بينهم ما أدى إلى حدوث تشابك بالأيدى ووجود بعض الالفاظ البذيئة من الجانبين حيث حدثت خناقة بين البحراوى وشاكوش ، الا أن شاكوش فر مسرعا إلى الخارج.
بعدها توجه رضا البحراوي إلى المسرح وقال :" شاكوش فين.. مشي.. كنت عايزه والله .. بس للأسف خد بعضه وجري".
وهو الأمر الذى ادى الى إصدار كل من شاكوش والبحراوى تصريحات ضد كل منهما عبر موقع التواصل الإجتماعى فيسبوك.
حسن شاكوش :
فتح مطرب المهرجانات حسن شاكوش النار على رضا البحراوى مجددا، وذلك من خلال مقطع فيديو نشره عبر صفحته على موقع التواصل الاجتماعى "فيسبوك" كشف فيه جميع تفاصيل حفل الساحل الشمالى.
وقال حسن شاكوش: "صباح الخير على كل اخواتنا اللي بيحبونا واللي بنحبهم، أنا طالع يا جماعة اتكلم في موضوع يخصني ويخص الأستاذ رضا البحراوي، هو طلع من شوية في لايف بيقول عليه كلام كتير، طب أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، ما ينفعش إن أنا أطلع أغني وألاقي فرقة حطة العدة بتاعتها في نمرتي".
وأضاف حسن شاكوش: "الأصول إن اطلع نمرتي تكون كل واحد ياخذ حقه، مش ينفع إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود". وأوضح حسن شاكوش: "بعد ما خلصت آخر شغل، فرقة الأستاذ رضا البحراوي، طلعت على المسرح تاني ومارضيتش اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني، وأنا نازل طبعا انا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت، وعمري في حياتي ما غلطت في حد ولا جبت سيرة حد ولا اتكلمت على حد".
وتابع حسن شاكوش: "بعد ما خلصت ونزلت لاقيت أستاذ رضا البحراوي طلع وبيقول هو فين شاكوش هو هرب ولا جرى، لا يا بحراوي أنا ولا جريت ولا هربت أنا خلصت فقرة بتاعتي زيي أي نجم بخلص وبروح بيتي".
رضا البحراوى :
هاجم مطرب المهرجانات رضا البحراوى المطرب حسن شاكوش عبر صفحته على موقع التواصل الاجتماعى فيسبوك.
وقال رضا البحراوى : "حسن شاكوش يقول أنه يمتلك مليار مشاهدة من خلال أغنية بنت الجيران واليوتيوب كنت حابب ارد عليك بان فى هذه المهنة من 2000 يا حسن، وكنت قدمت شريط مع عماد محرم، و فى 2005 عملت أغنية مع عبد السلام وشرف لي أن الفنان حكيم غناها".
وأضاف رضا البحراوى : "سبب نجاحى ربنا والجمهور، وأنت تقول أنك نجم كبير لماذا تشغل بالك بى وبنت الجيران نجاحك مش لوحدك لأن معاك عمر كمال، أنت مش سالك وأنا مش شاغل بالي بيك أصلا، أنا قاعد مع الحمام في غيتي، أنت نجاحك بحد تاني مش لوحدك وبرغم ذلك مذكرتش حد فيهم".
وأوضح رضا البحراوى : "انا أغنى لجمهور لا تعرف أن تغنى لهم والاهم لم أغن مرة واحدة بطريقة بلاى باك او احرك شفايفى وأنا معايا 40 واحد في الفرقة وأنت عملت 3 أغاني يوتيوب يعني لو قعدت في بيتك مع ال3 أغانى دول هتصرف عادى، ولكن متعرفش تغني تتر بداية أو نهاية مسلسل أو تغني دراما".
